భారత క్రికెట్ టీం మాజీ కెప్టెన్ మహేంద్ర సింగ్ ధోనీ.. మరో బైక్ను కొనుగోలు చేశారు. సరికొత్త ఫీచర్లతో వచ్చిన టీవీఎస్ బైక్ను.. తన గ్యారేజీలోకి అదనంగా చేర్చారు. అయితే ధోనీ ఇప్పటి వరకు ఎన్నో ఖరీదైన బైక్లను కొనుగోలు చేస్తూ వచ్చారు. ఈ సారి మాత్రం తక్కువ బడ్జెట్లో ఉన్న బైక్ను కొన్నారు. సామాన్యులకు అందుబాటులోనే ధర ఉందని ఈ బైక్ తయారీదారులు చెబుతున్నారు. మరి ఆ బైక్ ఎంటో! దాని విశేషాలేంటో తెలుసుకుందాం.
టీవీఎస్ మోటార్ కంపెనీకి చెందిన రోనిన్ మోడల్ బైక్ను ధోనీ కొనుగోలు చేశారు. కంపెనీ ప్రీమియం బిజినెస్ హెడ్ విమల్ సుంబ్లీ.. ధోనీకి బైక్ తాళంచెవి అందజేశారు. కాగా హోండా సీబీ350 ఆర్ఎస్, యెజ్డీ స్క్రాంబ్లర్‌, రాయల్ ఎన్‌ఫీల్డ్ హంటర్-350 వంటి ఖరీదైన బైక్లతో.. ఈ టీవీఎస్ రోనిన్ బైక్ పోటీపడుతుంది. తక్కువ ధరలో, ఎక్కువ ఫీచర్లతో వినియోగదారులను ఆకట్టుకుంటోంది.
టీవీఎస్ రోనిన్-225.9..
2022 జూలైలో మొదటి సారిగా ఈ బైక్ లాంచ్ అయింది. మొత్తం ఆరు కలర్లు, మూడు మోడళ్లలో ఈ బైక్ అందుబాటులో ఉంది. ఆ కలర్లు.. 1. లైట్నింగ్ బ్లాక్ 2. డెల్టా బ్లూ 3. మాగ్మా రెడ్ 4. స్టార్‌గేజ్ బ్లాక్ 5. గెలాక్సీ గ్రే 6. డాన్ ఆరెంజ్.
టీవీఎస్ రోనిన్ ఇంజిన్ ప్రత్యేకతలు..
టీవీఎస్ రోనిన్ 225.9 సీసీ ఇంజన్ సామర్థ్యాన్ని కలిగి ఉంది. ఈ బైక్.. 7,750 ఆర్‌పీఎమ్ వద్ద 20.04 బీహెచ్‌పీ పవర్ను.. 3,750 ఆర్‌పిఎమ్ వద్ద 19.93 ఎన్ఎమ్ టార్క్ను ప్రొడ్యూస్ చేస్తుంది. దీనికి 5-స్పీడ్ గేర్ల బాక్స్‌ జతచేసి ఉంది.
సాంకేతిక హంగులతో కొత్తగా బైక్ రూపకల్పన..
- ఈ బైక్లో బ్లూటూత్ సౌకర్యం ఉంది. కాబట్టి స్మార్ట్ఫోన్తో దీన్ని కనెక్ట్ చేసుకోవచ్చు.
- మెస్సేజ్, కాల్ అలెర్ట్ ఫంక్షన్ కూడా ఉంది. దీంతో రైడింగ్లో ఉండగానే కాల్స్ను స్వీకరించవచ్చు లేదా కట్ చేయవచ్చు.
- ఇందులో టర్న్ బై టర్న్ నావిగేషన్ సిస్టమ్ సైతం ఉంది.
- మొబైల్స్కు ఉన్నట్లుగానే ఈ బైక్లో వాయిస్ అసిస్టెంట్స్ ఫీచర్ ఉంది.
- ఈ బైక్ను పట్టణాల్లోనూ, వర్షంలోనూ సులువుగా డ్రైవ్ చేయవచ్చు. అలాంటి మోడ్స్ను ఈ బైక్ కలిగి ఉంది.
- బైక్కు సింగిల్-పీస్ సీట్ అమర్చి ఉంది.
అదేవిధంగా ఈ టీవీఎస్ రోనిన్ బైక్ మంచి సస్పెన్షన్ సెటప్ కలిగి ఉంది. దీని ముందు భాగంలో 41 ఎమ్ఎమ్ అప్‌సైడ్- డౌన్ ఫ్రంట్ ఫోర్క్‌లను, వెనుక భాగంలో ప్రీ-లోడ్ అడ్జస్టబుల్ మోనోషాక్ సెటప్ ఉంది. కాబట్టి రోడ్డు ఎలా ఉన్న సులువుగా రైడ్ చేయవచ్చు. ఈ బైక్.. 17 అంగుళాల అల్లాయ్ వీల్స్‌పై నడుస్తుంది. ఈ టైర్లను ముందు, వెనుక డ్యూయల్-పర్పస్గా వాడుకోవచ్చు. టీవీఎస్ రోనిన్-225.9 ఎక్స్ షోరూం ధర రూ. 1.49లక్షల నుంచి 1.71 లక్షల వరకు ఉంటుంది.
