Mukesh Ambani Employees Salaries in Telugu : సెలబ్రిటీ.. ఈ పదానికున్న ఆకర్షణే వేరు. సెలబ్రిటీల లైఫ్‌స్టైల్‌తో పాటు వారి దగ్గర పనిచేసేవారు అప్పుడప్పుడు వార్తల్లో నిలుస్తుంటారు. తాజాగా అపరకుబేరుడు ముకేశ్ అంబానీ(Mukesh Ambani) ఇంట్లో పనిచేసే వారి జీతభత్యాల గురించి ఓ వార్త ఆసక్తికరంగా మారింది. అంబానీ ఇంట్లో పనిచేసే వర్కర్ల జీతాల గురించి తెలిస్తే మీరు ఆశ్చర్యపోవాల్సిందే.! టాప్ మల్టీనేషనల్ కంపెనీల్లో పనిచేస్తున్న సాఫ్ట్వేర్ ఉద్యోగుల(Software Employees) కన్నా, సీఏ, ఎంబీఏ చదివి పెద్ద పెద్ద కంపెనీల్లో ఉద్యోగుల కన్నా అంబానీ ఇంట్లో పనిచేసే వారికి జీతం ఎక్కువని టాక్. ఇంతకీ ప్రపంచకుబేరుడు ముఖేశ్ అంబానీ ఇంట్లో ఎంతమంది పనిచేస్తారు? వారి జీతభత్యాలు ఎంతో ఇప్పుడు మనం ఈ స్టోరీలో తెలుసుకుందాం..
Mukesh Ambani Antilia Building Specialities : రిలయన్స్ అధినేత ముకేశ్ అంబానీ దేశంలోనే కాదు, ఆసియాలోనే అత్యంత ధనవంతుడు. ప్రస్తుతం ముకేశ్ అంబానీ కుటుంబం ముంబయిలోని అల్టామౌంట్ రోడ్‌లో నిర్మించిన 'ఆంటిలియా(Antilia)'లో నివాసముంటోంది. ఈ భవనం 4532 చదరపు మీటర్ల విస్తీర్ణంలో ఉంటుంది. దీని ధర దాదాపు రూ.15 వేల కోట్లుగా అంచనా. లండన్లో ఉన్న బకింగ్హామ్ ప్యాలెస్ తర్వాత అత్యంత ఖరీదైన భవనం కూడా ఇదే.
ఈ ఆంటిలియా భవనం మొత్తం 27 అంతస్తుల్లో ఉంటుంది. కానీ భవనం అసలు ఎత్తు 40 అంతస్తులుగా కనిపిస్తుంది. దీనిని తీవ్ర భూకంపం వచ్చినా తట్టుకునేలా రూపొందించారు. ఈ 27 అంతస్తుల ఆంటిలియా భవనంలో మూడు హెలిపాడ్లు, 168 కార్ల పార్కింగ్‌ కోసం ఆరు అంతస్తులు, 50 మంది కూర్చుని చూసే సినిమా థియేటర్‌, స్పా, బాల్ రూమ్, 3 స్విమ్మింగ్ పూల్స్, యోగా, డ్యాన్స్ స్టూడియోలు, 9 ఎలివేటర్లు ఇతర అధునాతన సదుపాయాలున్నాయి. ఇంతటి విలాసవంతమైన భవనంలో ఎంత మంది పని చేస్తారో ఇప్పుడు చూద్దాం.
What is Salary of Ambani Employees : ఈ అపరకుబేరుడు ముకేశ్ అంబానీ ఆంటిలియా భవంతిలో దాదాపుగా 600 మంది సిబ్బంది పనిచేస్తున్నారని తెలుస్తోంది. ఓ నివేదిక ప్రకారం కొద్ది రోజుల క్రితం అంబానీ ఇంట్లో పనిచేసే వంటమనిషి వేతనం గురించి ఓ వార్త సోషల్ మీడియాలో తెగ వైరల్ అయిన విషయం తెలిసిందే. అయితే అంబానీ షెప్లకు(Ambani Chef Salary) ఒక్కొకక్కరికి నెలకు రూ. 2 లక్షల జీతం అని మీడియా కథనాల ద్వారా తెలుస్తోంది. అంటే వారికి ఏడాదికి రూ.24 లక్షల ప్యాకేజ్ అన్నమాట. మరో విషయం ఏంటంటే.. ఈ ఆంటిలియా భవనంలో పనిచేసే ప్రతి సిబ్బందికీ దాదాపు ఇంతే మొత్తంలో జీతభత్యాలు ఉంటాయని సమాచారం.
బహుళజాతి కంపెనీల్లో పనిచేసే వృత్తి నిపుణులకు కూడా ఈరోజుల్లో ఆ మొత్తంలో జీతం లభించడం లేదు. అంబానీ ఇంట్లో పనిచేసే వారికి ఇక నెల జీతంతో పాటు మరెన్నో ప్రయోజనాలు కల్పిస్తున్నారు. 24/7 అంబానీ నివాసంలోనే పూర్తి వసతి ఏర్పాట్లు, ఇన్సూరెన్స్, పిల్లలకు ట్యూషన్ ఫీజులను కూడా అందిస్తారట. అయితే అంబానీ ఇంట్లో పనిచేస్తున్నారంటే.. వారికి పనిలో ఎంత నైపుణ్యం ఉందో అని నెటిజన్లు అభిప్రాయపడుతున్నారు.
రిలయన్స్లో ముకేశ్ అంబానీ కంటే.. అత్యధిక వేతనం పొందే వ్యక్తి మీకు తెలుసా?
