Reliance Chairman Mukesh Ambani : రిలయన్స్ ఇండస్ట్రీస్ లిమిటెడ్ ఛైర్మన్ అండ్ మేనేజింగ్ డైరెక్టర్గా మరో 5 ఏళ్లపాటు ముకేశ్ అంబానీయే కొనసాగనున్నారు. ఈ మేరకు కంపెనీ షేర్ హోల్డర్లు తీర్మానం చేశారు. దీనితో 2029 ఏప్రిల్ వరకు ముకేశ్ అంబానీ రిలయన్స్ హెడ్ పనిచేయనున్నారు. కానీ ఈ సమయంలో ఆయన ఎలాంటి జీతం తీసుకోకుండా పనిచేస్తానని చెప్పడం విశేషం.
బిగ్ బాస్
Mukesh Ambani : రిలయన్స్ ఇండస్ట్రీని ముకేశ్ అంబానీ అత్యున్నత శిఖరాలకు తీసుకువెళ్లారనడంలో ఎలాంటి సందేహం లేదు. అందుకే షేర్ హాల్డర్లు ఆయననే కంపెనీ ఛైర్మన్ అండ్ ఎమ్డీగా కొనసాగించాలని నిర్ణయించారు. అయితే కంపెనీ లా ప్రకారం, ఒక వ్యక్తి 70 ఏళ్ల వరకు మాత్రమే ఈ పదవిలో కొనసాగగలరు. ప్రస్తుతం ముకేశ్ అంబానీ వయస్సు 66 సంవత్సరాలు. అందుకే కంపెనీ షేర్ హోల్డర్లు ప్రత్యేక తీర్మానం చేసి, ఆయనను 2029 ఏప్రిల్ వరకు రిలయన్స్ ఛైర్మన్ అండ్ మేనేజింగ్ డైరెక్టర్గా ఎన్నుకున్నారు.
ధీరూభాయి తరువాత!
ముకేశ్ అంబానీ 1977లో రిలయన్స్ ఇండస్ట్రీలో చేరారు. 2002 జులైలో తన తండ్రి ధీరూభాయి అంబానీ మరణించిన తరువాత.. కంపెనీ ఛైర్మన్గా ముకేశ్ అంబానీ పగ్గాలు చేపట్టారు.
ప్రత్యేక తీర్మానం!
Reliance special resolution latest news : 2023 జులై 21న రిలయన్స్ కంపెనీ షేర్ హోల్డర్లు ప్రత్యేక తీర్మానం చేసారు. దీనితో బోర్డ్ ఆఫ్ డైరెక్టర్లు.. ముకేశ్ అంబానీని రిలయన్స్ కంపెనీ మేనేజింగ్ డైరెక్టర్గా రీ-అపాయింట్ చేశారు. ముకేశ్ అంబానీ ప్రస్తుత టెర్మ్ 2024 ఏప్రిల్ 18తో ముగుస్తుంది. అయితే 2019 ఏప్రిల్ 19 నుంచి మరో ఐదేళ్లపాటు ఆయన రిలయన్స్ ఇండస్ట్రీస్ ఛైర్మన్ అండ్ మేనేజింగ్ డైరెక్టర్గా కొనసాగనున్నారు.
శాలరీ తీసుకోను!
Mukesh Ambani Salary : ముకేశ్ అంబానీ కంపెనీ ఛైర్మన్ అండ్ ఎండీగా ఉంటూ రూ.15 కోట్లు వరకు శాలరీగా తీసుకునేవారు. కానీ కొవిడ్ 19 మహమ్మారి వ్యాప్తి తరువాత ఆయన తన పూర్తి జీతాన్ని వదులుకున్నారు. ముఖ్యంగా 2021 ఆర్థిక సంవత్సరం నుంచి ఆయన పూర్తిగా జీతం తీసుకోవడం మానేశారు. ఇకపై కూడా అంటే, 2024 ఏప్రిల్ 19 నుంచి 2029 ఏప్రిల్ 18 వరకు ఆయన ఎలాంటి శాలరీ తీసుకోకుండానే పనిచేస్తానని కంపెనీ బోర్డ్కు రిక్వెస్ట్ చేశారు. అందుకు బోర్డు కూడా సానుకూలంగా స్పందించింది.
ఈ ఫెసిలిటీస్ మాత్రం ఉంటాయ్!
ముకేశ్ అంబానీ కంపెనీ ఎండీగా జీతం తీసుకోనప్పటికీ.. ఆయనకు కొన్ని ప్రత్యేక భత్యాలు ఉంటాయి. ట్రావెలింగ్, బోర్డింగ్, లాడ్జింగ్, బిజినెస్ ట్రిప్స్, కార్ ప్రొవిజన్స్, ఫోన్ బిల్లులు రీయంబర్స్మెంట్ చేస్తారు. దీనితోపాటు ముకేశ్ అంబానీకి, ఆయన కుటుంబానికి అయ్యే సెక్యూరిటీ ఖర్చులు కూడా కంపెనీయే భరిస్తుంది.
నీతా అంబానీ సంగతేంటి?
Nita Ambani Salary : ముకేశ్ అంబానీ భార్య నీతా అంబానీ, కంపెనీ బోర్డులో నాన్ -ఎగ్జిక్యూటివ్ డైరెక్టర్గా ఉన్నారు. ఆమె 2022-23 ఆర్థిక సంవత్సరంలో సిట్టింగ్ ఫీజుగా రూ.6 లక్షలు తీసుకున్నారు. అలాగే కమిషన్గా రూ.2 కోట్లు తీసుకున్నారు.
Motor Insurance Tips : వాహన బీమా తీసుకుంటున్నారా?.. ఈ జాగ్రత్తలు పాటించండి!
Business Success Story : ఫాదర్ ఆఫ్ ఇండియన్ ఐస్క్రీం.. విజయగాథ మీకు తెలుసా?
