Komaki LY e-Scooter on Huge Discount : ప్రస్తుతం దేశీయ మార్కెట్లో ఎలక్ట్రిక్ వాహనాలు పెద్ద ఎత్తున లాంచ్ అవుతున్నాయి. అందులో స్కూటర్లకు ఫుల్ డిమాండ్ ఉంది. పురుషులు, మహిళలు ఈజీగా వినియోగించుకునే వీలుండటం, సిటీ పరిధికి సరిగ్గా సరిపోతుండటంతో.. వీటిని ఎక్కువగా కొనుగోలు చేస్తున్నారు. ఈ నేపథ్యంలో అనేక కంపెనీలు విద్యుత్ శ్రేణి స్కూటర్లను(Electric Scooters) భారత మార్కెట్లోకి విడుదల చేస్తున్నాయి. ఈ క్రమంలోనే జపాన్కు చెందిన ఎలక్ట్రిక్ వాహన తయారీదారు కొమాకి.. తమ బ్రాండ్ నుంచి వచ్చిన ఎలక్ట్రిక్ స్కూటర్పై భారీ వింటర్ డిస్కౌంట్ ప్రకటించింది. దీనికి సంబంధించిన పూర్తి వివరాలు ఇప్పుడు తెలుసుకుందాం..
Komaki LY e-Scooter Price : అద్భుతమైన ఫీచర్లతో మార్కెట్లోకి వచ్చిన కొమాకి LY e-స్కూటర్.. చాలా తక్కువ ధరకు అందుబాటులో ఉంది. Komaki LY e - స్కూటర్పై దాదాపు రూ. 19 వేల వరకు డిస్కౌంట్ ఇస్తోంది. ఈ ఆఫర్ పరిమిత కాలానికి మాత్రమే అందుబాటులో ఉంది. ఎవరైనా కొనుగోలు చేయాలని అనుకుంటే.. వెంటనే షోరూమ్ను సంప్రదించండి. ఈ స్కూటర్ బ్యాటరీ రేంజ్ ఎంత? ఎలాంటి ఫీచర్లు ఉన్నాయి? డిస్కౌంట్ పోనూ ఎంత ధరకు లభిస్తుంది? అనే విషయాలు తెలియాలంటే.. ఈ స్టోరీ పూర్తిగా చదవండి.
బ్యాటరీ, రేంజ్ : కొమాకి ఎల్వై ఇ-స్కూటర్లో 62V30AH సామర్థ్యంతో కూడిన బ్యాటరీని అమర్చారు. ఈ ఎలక్ట్రిక్ స్కూటర్ బ్యాటరీని ఒక్కసారి ఫుల్ చార్జ్ చేస్తే 80-100 కి.మీ. వరకు ప్రయాణించవచ్చు. ఈ స్కూటర్ డిజైన్ కూడా చాలా ఆకర్షణీయంగా ఉంటుంది. అలాగే దీనిలో అధునాతన సాంకేతికతతో కూడిన ఫీచర్లు ఉన్నాయి.
ఫీచర్లు : ఆన్బోర్డ్ నేవిగేషన్, బ్లూటూత్ కనెక్టివిటీ, సౌండ్ సిస్టమ్, కాలింగ్ ఆప్షన్స్ లాంటి ఫీచర్లు ఉండే TFT డిస్ప్లే ఉన్నాయి. అలాగే క్రూజ్ కంట్రోల్ ఫీచర్ ఉంది. ఎల్ఈడీ ఫ్రంట్ వింకర్స్, పార్కింగ్ అసిస్ట్స్, రివర్స్ అసిస్ట్స్తో సహా పలు ఫీచర్స్ ఈ స్కూటర్ సొంతం.
ధర విషయానికొస్తే.. ఈ ఎలక్ట్రిక్ స్కూటర్ను కొనడానికి ప్రధాన కారణాల్లో.. దీని ధర కూడా కీరోల్ ప్లే చేస్తోంది. ఈ స్కూటర్ ఎక్స్ షో రూమ్ ధర రూ. 96,968గా ఉంటే.. వింటర్ డిస్కౌంట్లో భాగంగా దీనిపై రూ.18,968 తగ్గిస్తున్నారు. అంటే.. కొమాకి ఎల్వై ఎలక్ట్రిక్ స్కూటర్ ఇప్పుడు రూ.78,000కి లభిస్తోందన్నమాట. మీరు ఎలక్ట్రిక్ స్కూటర్ కొనే ఆలోచనలో ఉంటే ఈ అవకాశాన్ని ఓ సారి పరిశీలించండి. ఈ ఆఫర్ పరిమిత సమయం వరకు మాత్రమే అందుబాటులో ఉంటుందని కంపెనీ వెల్లడించింది.
దారిలో మీ స్కూటీ ఛార్జింగ్ అయిపోయిందా? నో టెన్షన్-ఈ టిప్స్ ఫాలో అవ్వండి!