యూపీఐ లావాదేవీలపై కొంత మొత్తాన్ని ఛార్జ్గా విధించాలని.. ఐఐటీ బాంబే ఓ నివేదికను విడుదల చేసింది. గూగుల్ పే, ఫోన్ పే, పేటీఎం ద్వారా చేసే యూపీఐ లావాదేవీలపై ప్రభుత్వం 0.3 శాతం ఛార్జ్ను విధించాలని ఆ నివేదిక సూచింది. యూపీఐ ట్రాన్సాక్షన్ ఆమోదించడం, ప్రాసెస్ చేయడం, పూర్తి చేయడానికి సంబంధించిన ఖర్చుల దృష్ట్యా ఆ ఛార్జ్లను విధించాలని తెలిపింది. దీని ద్వారా ఏటా 5,000 కోట్ల రూపాయలు ప్రభుత్వానికి సమకూరుతాయని తెలిపింది. ఈ మొత్తాన్ని యూపీఐ వ్యవస్థను బలపేతం చేయడానికి ఉపయోగించుకోవచ్చని సూచించింది.
యూపీఐ వ్యవస్థ నిర్వహణకు అవసరమైన ఖర్చును వినియోగారుల నుంచే వసూలు చేయాలంటూ ఐఐటీ బాంబే 'పీపీఐ-ఆధారిత యుపీఐ చెల్లింపుల కోసం ఛార్జీలు- ది డిసెప్షన్' పేరుతో రిపోర్ట్ విడుదల చేసింది. యూపీఐ యూజర్ చేస్ ప్రతి లావాదేవీపై 0.3 శాతం ఛార్జ్ను వసూలు చేయాలని కేంద్రానికి సూచించింది. యూపీఐ లావాదేవీలపై 0.3 శాతం రుసుమును ప్రభుత్వం వసూలు చేస్తే.. 2023-24లో దాదాపు రూ. 5,000 కోట్లు సమకూరుతాయని ఈ అధ్యయనం పేర్కొంది.
యూపీఐ ద్వారా చేసే మర్చంట్ లావాదేవీలపై ప్రీపెయిడ్ పేమెంట్స్ ఇన్స్ట్రుమెంట్స్- పీపీఐ ఫీజును 2023 ఏప్రిల్ 1 నుంచి వసూలు చేయనున్నట్లు జాతీయ చెల్లింపుల సంస్థ- ఎన్పీసీఐ ఓ ప్రకటన విడుదల చేసింది. పీపీఐ ద్వారా రూ.2000 కంటే ఎక్కువ మొత్తం ట్రాన్స్ఫర్ చేస్తే 1.1 శాతం సర్ఛార్జ్ విధిస్తున్నట్లు తెలిపింది. ప్రభుత్వం తీసుకున్న ఈ నిర్ణయం ద్వారా వ్యాపారస్తులపై మాత్రమే ఈ భారం పడుతుంది. వ్యాపారస్తులు తమపై పడే భారాన్ని.. వినియోగదారుల నుంచే వసూలు చేస్తారని ఈ నివేదిక అభిప్రాయపడింది. ఎన్పీసీఐ కొత్తగా తీసుకువచ్చిన పీపీఐ ఛార్జ్ కారణంగా.. వినియోగదారులకు వస్తువులపై డిస్కౌంట్ లేకుండాపోతుందని నివేదించింది.
ప్రస్తుతం ఉన్న చట్టం ప్రకారం.. యూపీఐ ద్వారా చెల్లింపులు చేసే వ్యక్తి, వాటిని స్వీకరించే వ్యక్తి నుంచి ప్రత్యక్షంగా కానీ పరోక్షంగా కానీ ఎటువంటి ఛార్జ్లు విధించకూడదు. దీంతో వినియోగదారులు బ్యాంక్ ద్వారా, యూపీఐ ద్వారా చేస్తున్నఅన్ని లావాదేవీలు ఉచితం. అయితే కొత్తగా తీసుకువచ్చిన పీపీఐ సర్ఛార్జ్ ద్వారా వ్యాపారస్తులపై మాత్రమే ఛార్జ్ విధించినా ఆ భారం మాత్రం.. సాధారణ వినియోగదారులపైనా ఉంటుందని ఈ నివేదిక తెలిపింది.
ప్రతి ఏటా కరెన్సీ ప్రింటింగ్, నిర్వహణపై.. ప్రభుత్వం, ఆర్‌బీఐ అధికంగా ఖర్చు చేస్తున్నాయని ఐఐటీ బాంబే ప్రొపెషర్ ఆశిశ్ దాస్ ఈ నివేదికలో వెల్లడించారు. గత కొన్నేళ్లుగా సగటున కరెన్సీ ప్రింటింగ్‌పైనే ఏటా రూ.5,400 కోట్లు ఖర్చు చేశారని, కరెన్సీ నిర్వహణపై ఇంకా ఎక్కువ ఖర్చు చేశారని ఈ నివేదికలో పేర్కొన్నారు. అయితే ప్రభుత్వం కరెన్సీ కోట్ల ప్రింటింగ్, నిర్వహణకు చేసే ఖర్చు కంటే.. యూపీఐ నిర్వహణ కోసం చేసే వ్యయం చాలా తక్కువగా ఉంటుందని ఈ నివేదిక తెలిపింది. కాబట్టి.. యూపీఐ ద్వారా వ్యక్తి నుంచి వ్యక్తికి, వ్యక్తి నుంచి వ్యాపారికి చేసే లావాదేవీలపై 0.3 శాతం విస్తే.. దాదాపుగా సంవత్సరానికి రూ.5,000 కోట్లు వచ్చే అవకాశం ఉందని ఈ నివేదిక వెల్లడించింది.
