విదేశీ నిధుల ప్రవాహంతో పాటు బ్యాంకింగ్ రంగ షేర్ల దూకుడుతో దేశీయ స్టాక్ మార్కెట్లు లాభాల్లో కొనసాగుతున్నాయి. అంతర్జాతీయ మార్కెట్ల నుంచి మిశ్రమ పవనాలతో ప్రారంభంలో ఒడుదొడుకులు ఎదుర్కొన్నప్పటికీ.. క్రమంగా లాభాల బాట పట్టాయి.
బొంబాయి స్టాక్ ఎక్స్చేంజీ సూచీ-సెన్సెక్స్ 122 పాయింట్ల లాభంతో 39వేల 174 వద్ద ట్రేడవుతోంది.
జాతీయ స్టాక్ ఎక్స్చేంజి సూచీ-నిఫ్టీ 32 పాయింట్ల వృద్ధి 11వేల 619 కొనసాగుతోంది.
లాభనష్టాల్లోనివి...
ఎస్ బ్యాంక్, వేదాంత, హీరో మోటో కార్ప్, పవర్ గ్రిడ్, ఎల్అండ్టీ, బజాజ్ ఫినాన్స్, హెచ్డీఎఫ్సీ బ్యాంకు షేర్లు సుమారు 3 శాతం లాభపడ్డాయి. ఈ రోజు త్రైమాసిక ఫలితాలు విడుదల చేయనున్న నేపథ్యంలో రిలయన్స్ ఇండస్ట్రీస్ షేర్లు 1 శాతం మేర పెరిగాయి.
భారతీ ఎయిర్టెల్, ఇన్ఫోసిస్, ఇండస్ఇండ్ బ్యాంక్, హెచ్సీఎల్ టెక్, ఎషియన్ పేయింట్స్ షేర్లు దాదాపు 1 శాతం మేర నష్టపోయాయి.
రూపాయి...
దేశీయ దిగుమతిదారుల నుంచి డాలర్కు డిమాండ్ పేరగటం వల్ల రూపాయి మారకపు విలువ తగ్గింది. డాలర్తో పోలిస్తే 4 పైసలు తగ్గి రూ.71.20 వద్ద రూపాయి కొనసాగుతోంది.
