ఐటీ, లోహం, విద్యుత్తు, ఎఫ్ఎంసీజీ రంగాల్లో అమ్మకాలకు తోడు అంతర్జాతీయ మార్కెట్ల నుంచి ప్రతికూల పవనాలతో దేశీయ మార్కెట్లు స్వల్ప నష్టాల్లో కొనసాగుతున్నాయి.
బొంబాయి స్టాక్ ఎక్స్చేంజి సూచీ- సెన్సెక్స్ 35 పాయింట్ల నష్టంతో 40,452 వద్ద ఉంది.
జాతీయ స్టాక్ ఎక్స్చేంజి సూచీ-నిఫ్టీ 19 పాయింట్లు కోల్పోయింది. ప్రస్తుతం 11,918 వద్ద కొనసాగుతోంది.
ఆటో, ఫార్మా రంగాల షేర్లలో కొనుగోళ్లు కనిపిస్తున్నాయి.
లాభనష్టాల్లోనివి..
సన్ఫార్మా, టాటా మోటర్స్, హెచ్డీఎఫ్సీ, బజాజ్ ఫినాన్స్, ఎస్బీఐ, సిప్లా, ఐఓసీ, హెచ్యూఎల్, ఓఎన్జీసీలు లాభాల్లో ట్రేడవుతున్నాయి.
ఎస్ బ్యాంకు, భారతీ ఎయిర్టెల్, టీసీఎస్, అల్ట్రాటెక్ సిమెంట్, టెక్ మహీంద్ర, పవర్ గ్రిడ్, ఇన్ఫోసిస్, యాక్సిస్ బ్యాంక్, ఐటీసీ, ఇండస్ఇండ్ బ్యాంకు సుమారు 2.22 శాతం మేర నష్టాల్లోకి వెళ్లాయి.
రూపాయి..
అంతర్జాతీయ మార్కెట్లో రూపాయి మారకపు విలువ డాలరుతో పోలిస్తే 10 పైసలు లాభపడి రూ.70.94 వద్ద కొనసాగుతోంది.
ఇదీ చూడండి: నేడే '5జీ' రెడ్మీ కే30 విడుదల
