టోకు ద్రవ్యోల్బణం సెప్టెంబర్ నెలలో 1.32 శాతం పెరిగి ఏడు నెలల గరిష్ఠాన్ని చేరింది. ఆహార పదార్థాలు ముఖ్యంగా కూరగాయల ధరలు ఆకాశన్నంటడం వల్ల టోకు ద్రవ్యోల్బణం భారీగా పెరిగింది.
సెప్టెంబర్కు ముందు నాలుగు నెలలు వరుసగా డబ్ల్యూపీఐ సూచీ -3.37 శాతం (మే), -1.81 శాతం (జూన్), -0.58 శాతం (జులై), 0.16 శాతంగా నమోదైంది.
సెప్టెంబర్లో టోకు ద్రవ్యోల్బణం ఇలా..
- ఆహర పదార్థాల ద్రవ్యోల్బణం 8.17 శాతంగా నమోదైంది. ఆగస్టులో ఇది 3.84 శాతంగా ఉంది.
- కూరగాయల ధరల టోకు ద్రవ్యోల్బణం 36.54 శాతంగా నమోదైంది. బంగాళ దుంపల ద్రవ్యోల్బణం 107.63 శాతంగా ఉంది. ఉల్లిపాయల టోకు ధరల ద్రవ్యోల్బణం -31.64 శాతంగా ఉంది. పండ్ల ద్రవ్యోల్బణం -3.89 శాతంగా ఉంది.
- పప్పు ధాన్యాల ద్రవ్యోల్బణం 12.53 శాతం పెరిగింది.
- ఇంధన, విద్యుత్ ధరల ద్రవ్యోల్బణం సెప్టెంబర్లో -9.54 శాతంగా నమోదైంది.
- తయారీ వస్తువుల ద్రవ్యోల్బణం సెప్టెంబర్లో 1.61 శాతం నమోదైంది.
ఇదీ చూడండి: 'అంచనాలకు మించి భారత వృద్ధి రేటు క్షీణత'
