వృత్తి నిపుణుల్లో ఆదాయ వృద్ధిపై ఆశావాదం!

దేశవ్యాప్తంగా వృద్ధి నిపుణుల్లో ఆదాయం పెరుగుదలపై ఆశలు మళ్లీ చిగురిస్తున్నాయి. ఓ ప్రైవేటు సంస్థ చేసిన సర్వేలో వృత్తి నిపుణులు తమ వ్యక్తిగత, వృత్తి పరమైన ఆదాయాలు రానున్న ఆరు నెలల్లో పెరుగుతాయని విశ్వాసం వ్యక్తం చేశారు. ఆ సర్వేలోని మరిన్ని విషయాలు ఇలా ఉన్నాయి.

పండుగ సీజన్ నేపథ్యంలో ప్రతి ముగ్గురిలో ఒక భారత వృత్తి నిపుణుడు తమ వ్యక్తిగత ఆదాయంతో పాటు వృత్తిపరమైన రాబడి పెరుగుతుందని ఆశావాదంతో ఉన్నట్లు ఒ సర్వే తెలిపింది. ఆన్​లైన్ ప్రొఫెషనల్ నెట్​వర్క్ లింక్డ్​ఇన్ చేసిన ఈ సర్వేలో పలు కీలక విషయాలు వెల్లడయ్యాయి.

వర్క్​ ఫోర్స్​ కాన్ఫిడెంట్ ఇండెక్స్​ 16వ సంచికలో భారత నిపుణుల విశ్వాసం స్థిరంగా పెరుగుతున్నట్లు పేర్కొంది నివేదిక. సెప్టెంబర్​లో 45 పాయింట్ల వద్ద ఉన్న ఈ సూచీ తాజాగా 53 వద్దకు చేరిందని వివరించింది.

అక్టోబర్ 5 నుంచి నవంబర్ 1 మధ్య 2,022 మంది జెన్​ ఎక్స్, మిలీనియల్స్​ ప్రొఫెషనల్స్​పై ఈ సర్వే జరిగింది.

సర్వేలోని మరిన్ని ముఖ్యాంశాలు..

• జెన్​ ఎక్స్​ వృత్తి నిపుణుల్లో 40 శాతం, మిలీనియల్స్​ వృత్తి నిపుణుల్లో 41 శాతం మంది రానున్న ఆరు నెలల్లో తమ వృత్తిపరమైన, వ్యక్తిగత ఆదాయాలు, ఖర్చులు పెరుగుతాయని భావిస్తున్నారు.
• అన్ని తరాలకు చెందిన ప్రొఫెషనల్స్​లో కరోనా కారణంగా ఇంటి నుంచి పని చేయడం వల్ల వారి భవిష్యత్ పురోగతిపై ఆందోళన వ్యక్తం చేశారు.
• లాక్​డౌన్ సడలింపులతో తిరిగి కార్యాలయాలకు వెళ్తున్నా.. ప్రస్తుత పరిస్థితుల్లో భద్రతపై చాలా మంది ఆందోళన వ్యక్తం చేస్తున్నారు.

ఇదీ చూడండి:తయారీ రంగంలోనే దేశ భవిత!