'కరోనాతో ప్రపంచ వాణిజ్య వృద్ధిలో మరింత క్షీణత'

మూడో త్రైమాసిక ఫలితాల్లో వాణిజ్య వృద్ధిరేటు 0.2 శాతం తగ్గిందని వెల్లడించింది ప్రపంచ వాణిజ్య సంస్థ(డబ్ల్యూటీఓ). కరోనా వైరస్ భయాలతో వాణిజ్య వృద్ధిలో క్షీణత కొనసాగే అవకాశం ఉందని పేర్కొంది.

ప్రపంచ వాణిజ్య వృద్ధిలో 2020 తొలినాళ్లలో వాణిజ్యం బలహీనంగా కొనసాగే అవకాశం ఉందని ప్రపంచ వాణిజ్య సంస్థ (డబ్ల్యూటీఓ) అభిప్రాయపడింది. అయితే కరోనా వైరస్ భయాలు వాణిజ్య వృద్ధిని మరింత క్షీణింపజేసే అవకాశాలు కన్పిస్తున్నాయని వెల్లడించింది.

"2020 ప్రారంభంలో వాణిజ్య కార్యకలాపాల వృద్ధి తగ్గే సూచనలు కన్పిస్తున్నాయి. అయితే ఇటీవల క్షీణతకు కరోనా కారణం కాదు. కానీ కరోనా భయాలు వాణిజ్య వృద్ధిలో మరింత క్షీణతను కలగజేస్తాయి."

- డబ్ల్యూటీఓ ప్రకటన

అయితే 2019 మూడో త్రైమాసికంలో వాణిజ్య వృద్ధిలో 0.2 శాతం క్షీణత నమోదైనట్లు గణాంకాలు వెల్లడిస్తున్నాయని ప్రపంచ వాణిజ్య సంస్థ ప్రకటనలో పేర్కొంది.

ఇదీ చూడండి:కరోనా ఎఫెక్ట్​: చైనా అధ్యక్షుడికి ప్రధాని మోదీ లేఖ