దేశీయ ఫార్మా దిగ్గజం సన్ ఫార్మా ఇండస్ట్రీస్.. ప్రస్తుత ఆర్థిక సంవత్సర తొలి త్రైమాసికానికి గానూ రూ.1,444.17 కోట్ల నికర లాభాన్ని గడించింది. గత ఆర్థిక సంవత్సరం ఇదే సమయంలో రూ.1,655.60 కోట్ల నికర నష్టాన్ని ప్రకటించింది సన్ ఫార్మా.
2021-22 క్యూ1లో సంస్థ ఆదాయం కూడా రూ.9,718.74 కోట్లకు పెరిగింది. 2020-21లో ఇదే సమయంలో ఈ మొత్తం రూ.7,585.25 కోట్లుగా ఉంది.
భారీ లాభాలను ప్రకటించిన నేపథ్యంలో స్టాక్ మార్కెట్లో.. సన్ ఫార్మా షేర్లు దూసుకెళ్లాయి. బీఎస్ఈలో సంస్ష షేరు శుక్రవారం 10.06 శాతం పుంజుకుని.. రూ.774 వద్ద స్థిరపడపింది. ఎన్ఎస్ఈలోనూ 10.04 శాతం లాభపడి.. రూ.773.55 వద్ద ముగిసింది.
ఇదీ చదవండి: ఓయోలో మైక్రోసాఫ్ట్ భారీ పెట్టుబడి?
