రెండు రోజుల నష్టాల తర్వాత స్టాక్ మార్కెట్లు వారాంతంలో తిరిగి లాభాలను నమోదు చేశాయి.
బొంబాయి స్టాక్ ఎక్స్చేంజి సూచీ-సెన్సెక్స్ 177.51 పాయింట్లు లాభపడి 38,862.23 పాయింట్ల (0.46 శాతం) వద్ద స్థిరపడింది.
జాతీయ స్టాక్ ఎక్స్చేంజి సూచీ-నిఫ్టీ 67.95 పాయింట్లు పుంజుకుని 11,665.95 పాయింట్ల (0.59 శాతం) వద్ద సెషన్ ముగించింది.
ఇదీ కారణం
అమెరికా చైనాల మధ్య వాణిజ్య యుద్ధానికి తెరదించే విధంగా ఇరు దేశాలు చర్చలు ముమ్మరం చేసాయి. ఈ చర్చలు సానుకూలంగా జరుగుతున్నాయని అమెరికా అధ్యక్షుడు డొనాల్డ్ ట్రంప్ ఓ ప్రకటన చేశారు. ఈ సంకేతం నేటి మార్కెట్లకు కలిసొచ్చింది.
ఫలితంగా ఐటీ, లోహ రంగాల్లో మదుపరులు కొనుగోళ్లకు మొగ్గు చూపారు.
ఇంట్రాడే సాగిందిలా..
| సూచీ | గరిష్ఠం | కనిష్ఠం |
| సెన్సెక్స్ | 38,958.60 | 38,701.04 |
| నిఫ్టీ | 11,689.65 | 11,609.50 |
లాభానష్టాల్లోనివివే...
సెన్సెక్స్లో నేడు టాటా స్టీల్ అత్యధికంగా 3.36 శాతం లాభాన్ని నమోదు చేసింది.
ఈ వరుసలో వేదాంతా 2.38 శాతం, బజాజ్ ఫినాన్స్2.20 శాతం, టీసీఎస్ 1.84 శాతం, ఇండస్ఇండ్ బ్యాంకు 1.68 శాతం, ఇన్ఫోసిస్ 1.52 శాతం లాభపడ్డాయి.
ఎస్బీఐ 1.46 శాతం, పవర్గ్రిడ్ 1.36 శాతం, హీరో మోటార్స్ 0.78 శాతం, ఎన్టీపీసీ 0.70 శాతం, సన్ఫార్మా 0.67 శాతం, హెచ్యూఎల్ 0.50 శాతం మేర నష్టాలను నమోదు చేశాయి.
30 షేర్ల సెన్సెక్స్ ఇండెక్స్లో 16 షేర్లు లాభాలను నమోదు చేయగా... 14 షేర్లు నష్టాల్లో ముగిశాయి.
50 షేర్ల నిఫ్టీ ప్యాక్లో 34 షేర్లు లాభాలను, 16 షేర్లు నష్టాలను నమోదు చేశాయి.
