వారాంతంలో స్టాక్ మార్కెట్లు సానుకూలంగా ట్రేడవుతున్నాయి.
బాయి స్టాక్ ఎక్స్చేంజి సూచీ-సెన్సెక్స్ ప్రస్తుతం 70 పాయింట్లు బలపడి... 38,795 వద్ద కొనసాగుతోంది. జాతీయ స్టాక్ ఎక్స్చేంజి సూచీ-నిఫ్టీ 30 పాయింట్ల లాభంతో 11,675 వద్ద ట్రేడవుతోంది.
ఇవీ కారణాలు
విదేశీ పెట్టుబడుల ప్రవాహం మదుపరుల సెంటిమెంట్ను బలపరిచింది. బ్యాంకింగ్ రంగాల్లో జరుగుతున్న కొనుగోళ్లు నేటి లాభాలకు ప్రధాన కారణం.
లాభానష్టాల్లోనివే
సెన్సెక్స్లో టాటా స్టీల్ అత్యధికంగా 5.11 శాతం లాభాంతో ట్రేడవుతోంది.
ఇటీవల ప్రకటించిన వార్షిక ఫలితాల్లో ఏకంగా రూ.1,59,089.57 కోట్ల భారీ ఆదాయాన్ని ఆర్జించింది టాటా స్టీల్. ఈ కారణంగా సంస్థలో పెట్టుబడులు పెట్టేందుకు మదుపరులు ఆసక్తి చూపుతున్నారు.
యాక్సిస్ బ్యాంకు, సన్ఫార్మా, ఎన్టీపీసీ, ఇన్ఫోసిస్, పవర్ గ్రిడ్, ఎల్ అండ్టీ షేర్లు లాభాల్లో ట్రేడవుతున్నాయి.
టాటా మోటార్స్, మారుతి, ఇండస్ ఇండ్, కోటక్ బ్యాంకు, హీరో మోటార్స్, హెచ్డీఎఫ్సీ షేర్లు నష్టాల్లో ట్రేడవుతున్నాయి.
రూపాయి, ముడి చమురు
రూపాయి విలువ 24 పైసలు పుంజుకుంది. డాలర్తో రూపాయి మారకం విలువ 70.13 వద్ద కొనసాగుతోంది.
ముడి చమురు ధరల సూచీ బ్రెంట్ 0.24 శాతం తగ్గి... బ్యారెల్కు 74.17 డాలర్ల వద్ద కొనసాగుతోంది. గత సెషన్లో బ్యారెల్ ముడి చమురు ధర 75 డాలర్లు దాటి ఆరు నెలల గరిష్ఠ స్థాయిని తాకింది.
