పారిశ్రామిక దిగ్గజం రిలయన్స్ ఇండస్ట్రీస్కు మరో ఘనత దక్కింది. మార్కెట్ క్యాపిటలైజేషన్లో.. రూ.9 లక్షల కోట్ల విలువైన తొలి భారతీయ సంస్థగా అవతరించి చరిత్ర సృష్టించింది.
నేడు రిలయన్స్ ఇండస్ట్రీస్ 2019-20 రెండో త్రైమాసిక ఫలితాలు ప్రకటించనుంది. ఈ నేపథ్యంలో కంపెనీ భారీ లాభాలు నమోదు చేస్తుందనే అంచనాలతో బీఎస్ఈలో షేరు విలువ 2.28 శాతానికిపైగా పెరిగి.. రూ.1,428 వద్ద జీవన కాల గరిష్ఠాన్ని తాకింది. ఫలితంగా సంస్థ మార్కెట్ క్యాపిటల్ విలువ రూ.9,01,490.09 కోట్లకు చేరింది.
2018లోనూ రూ.8 లక్షల కోట్ల మార్కెట్ క్యాపిటల్ విలువ గల తొలి కంపెనీగా రిలయన్స్ చరిత్ర సృష్టించడం గమనార్హం.
ఇదీ చూడండి: ఎయిర్ ఇండియాకు ఇంధన సరఫరా కొనసాగింపు!
