ముకేశ్ అంబానీకి చెందిన రిలయన్స్ ఇండస్ట్రీస్ మరో రికార్డు నెలకొల్పింది. మార్కెట్ క్యాపిటల్(ఎం-క్యాప్) విలువ పరంగా 150 బిలియన్ డాలర్లు స్థాయిని (రూ.11,43,667 కోట్లు) తాకిన తొలి భారతీయ సంస్థగా ఘనత సాధించింది.
సోమవారం స్టాక్ మార్కెట్లు ప్రారంభమైన కొద్దిసేపటికే రిలయన్స్ షేర్లు 2.50 శాతానికిపైగా బలపడటం వల్ల ఈ ఘనతను సాధించగలిగింది.
నిజానికి చివరి సెషన్లోనే రూ.11 లక్షల కోట్ల మార్క్ను అందుకుంది రిలయన్స్. జియోకు వచ్చిన విదేశీ పెట్టుబడులు, రైట్స్ ఇష్యూ ద్వారా రిలయన్స్ దాదాపు రూ.1.69 లక్షల కోట్ల నిధులు సమీకరించుకుంది. వీటితో సంస్థ రుణ రహితంగా మారినట్లు ముకేశ్ అంబానీ ఇటీవల ప్రకటించారు. ఈ నేపథ్యంలోనే సంస్థ షేర్లు కొనేందుకు మదుపరులు ఎగబడుతున్నారు. ఫలితంగా ఎం-క్యాప్ ఈ స్థాయిలో పెరుగుతోంది.
ఇవీ చూడండి:
