ఎయిర్​ఇండియా నూతన సీఎండీగా రాజీవ్ బన్సల్​

ఎయిర్ఇండియా నూతన సీఎండీగా రాజీవ్​ బన్సల్​ను నియమించింది ప్రభుత్వం. ప్రస్తుత సీఎండీ అశ్వని లొహానీ పదవీ కాలం ముగిసిన నేపథ్యంలో.. బన్సల్​ను నియమిస్తూ నిర్ణయం తీసుకుంది.

ప్రభుత్వ రంగ విమానయాన సంస్థ ఎయిర్​ఇండియా నూతన ఛైర్మన్, మేనేజింగ్​ డైరెక్టర్(సీఎండీ)​గా సీనియర్​ ప్రభుత్వాధికారి రాజీవ్ బన్సల్​ నియమితులయ్యారు.

1988 నాగాలాండ్ కేడర్​కు చెందిన ఐఏఎస్ అధికారి బన్సల్​.. ప్రస్తుతం పెట్రోలియం, సహజవాయు మంత్రిత్వ శాఖ అదనపు కార్యదర్శిగా సేవలందిస్తున్నారు.

ఎయిర్ఇండియా సీఎండీగా ఉన్న అశ్వని లొహానీ పదవీ కాలం ముగిసిన నేపథ్యంలో.. రాజీవ్ బన్సల్​ను ఈ పదవికి ఎంపిక చేసింది కేంద్రం.

ఇదీ చూడండి:కేంద్రం చర్యలతో టీవీలు మరింత ప్రియం..!