ఈ కామర్స్ సంస్థ ఫ్లిప్కార్ట్కు చెందిన ఫిన్టెక్ విభాగం ఫోన్పేకు భారీగా యూజర్లు పెరిగారు. తమ ప్లాట్ఫామ్ రిజిస్టర్డ్ యూజర్ల సంఖ్య 25 కోట్ల మార్క్ను దాటినట్లు సోమవారం ప్రకటించింది.
అక్టోబర్ నెలలో 10 కోట్ల మంది యాక్టివ్ యూజర్లు, 2.3 బిలియన్ల యాప్ సెషన్లు నమోదైనట్లు తెలిపింది ఫోన్పే.
గత నెల రికార్డు స్థాయిలో 925 మిలియన్ల లావాదేవీలను ప్రాసెస్ చేసినట్లు వివరించింది. ఇప్పటి వరకు ఇదే అత్యధికమని తెలిపింది. వార్షిక టీవీపీ (మొత్తం పేమెంట్ల సంఖ్య) రన్ రేట్ 277 బిలియన్ డాలర్లుగా పేర్కొంది. అక్టోబర్లో మొత్తం 835 మిలియన్ల యూపీఐ లావాదేవీల చేసినట్లు వెల్లడించింది. మొత్తం 40 శాతం మార్కెట్ వాటాతో అగ్రస్థానంలో ఉన్నట్లు వివరించింది.
2022 డిసెంబర్ నాటికి రిజిస్టర్డ్ యూజర్ల సంఖ్య 50 కోట్ల మార్క్ను చేరుకోవడమే లక్ష్యంగా తమ ముందున్న లక్ష్యమని ఫోన్పే సీఈఓ సమీర్ నిగమ్ తెలిపారు.
ఇదీ చూడండి:అక్టోబర్లో తయారీ రంగ పీఎంఐ రికార్డు వృద్ధి!
