టెలికాం రంగంలోకి ప్రవేశించిన మూడేళ్లకే ఆదాయంలోనూ భారతీ ఎయిర్టెల్, వొడాఫోన్-ఐడియా సంస్థలను వెనక్కి నెట్టింది రిలయన్స్ జియో. ముకేశ్ అంబానీ నేతృత్వంలోని ఈ సంస్థ ఏప్రిల్ నుంచి జూన్ త్రైమాసింకంలో రూ.10,900 కోట్ల ఆదాయాన్ని ఆర్జించింది. టెలికాం నియంత్రణ సంస్థ 'ట్రాయ్' వెల్లడించిన తాజా గణాంకాల్లో ఈ విషయం వెల్లడైంది.
జియో తర్వాతి స్థానంలో రూ.10,707 కోట్ల ఆదాయంతో భారతీ ఎయిర్టెల్ రెండో స్థానంలో, రూ.9,809 కోట్ల ఆదాయంతో వొడాఫోన్ ఐడియా మూడో స్థానంలో ఉన్నాయి.
ప్రభుత్వ రంగ టెలికాం సంస్థలు బీఎస్‌ఎన్‌ఎల్‌ రూ.4,296 కోట్లు, ఎంటీఎన్‌ఎల్‌ రూ.408 కోట్ల ఆదాయాన్ని మాత్రమే గడించాయి.
ఇదీ చూడండి: మాకు మీ సాయం వద్దు: కేంద్రంతో ఎస్బీఐ
