ప్రపంచవ్యాప్తంగా ఉన్న సహకార సంఘాల్లో.. 'ఇండియన్ ఫార్మర్స్ ఫర్టిలైజర్ కోఆపరేటివ్ లిమిటెడ్ (ఇఫ్కో)' టర్నోవర్ ర్యాంకు ప్రథమ స్థానానికి చేరింది. గత ఆర్థిక సంవత్సరం ఇఫ్కో ర్యాంకు 125 నుంచి 65కు పెరగ్గా.. ఈ సారి ఏకంగా 300 ప్రధాన సహకార సంఘాల్లో నంబర్ 1 స్థానాన్ని దక్కించుకోవడం విశేషం.
తాజాగా విడుదల చేసిన 9వ వార్షిక వరల్డ్ కోఆపరేటివ్ మానిటర్ (డబ్ల్యూసీఎం) నివేదికలో ఈ విషయం వెల్లడైంది. ఈ రిపోర్ట్ను ఇంటర్నేషనల్ కోఆపరేటివ్ అలయన్స్ (ఐసీఏ) రూపొందించింది.
స్థూల దేశీయోత్పత్తి (జీడీపీ), టర్నోవర్ నిష్పత్తి ఆధారంగా ఈ ర్యాంకులను నిర్ణయిస్తారు.
36 వేలకు పైగా సభ్య సహకార సంఘాల్లో దాదాపు 7 బిలియన్ డాలర్ల గ్రూప్ టర్నోవర్తో 'ఇఫ్కో' అతిపెద్ద సహకార సంఘంగా నిలిచిందని ఇఫ్కో ఎండీ డాక్టర్ యూఎస్ అవస్తీ పేర్కొన్నారు. ఇది ఇఫ్కో సహా సభ్య సంఘాలు గర్విచదగ్గ విషయమమని వివరించారు.
ఇదీ చూడండి:కొత్త బడ్జెట్లో ఆ ఊరట లభిస్తుందా?
