స్టాక్ మార్కెట్లలో భారతీ ఎయిర్టెల్ షేర్లు జోరు కనబరుస్తున్నాయి. బుధవారం సెషన్లో 13 శాతం వరకు పుంజుకున్నాయి.
బీఎస్ఈలో భారతీ ఎయిర్టెల్ షేరు ప్రస్తుతం 12.65 శాతం లాభంతో ట్రేడవుతోంది. ఒక్కో షేరు విలువ రూ.487.80 వద్ద ఉంది.
ఎన్ఎస్ఈలో 12.61 శాతం పెరిగిన భారతీ ఎయిర్టెల్ షేరు విలువ రూ.488గా ఉంది.
ప్రస్తుత ఆర్థిక సంవత్సరం జులై- సెప్టెంబర్ త్రైమాసికంలో కంపెనీ ఆదాయం 22 శాతం పెరిగి రికార్డు స్థాయి వద్ద రూ.25,785 కోట్లుగా నమోదైనట్లు ఎయిర్టెల్ మంగళవారం ప్రకటించింది. సంస్థ నికర నష్టం రూ.763 కోట్లకు పరిమితమైందని తెలిపింది. ఈ సానుకూలతల నేపథ్యంలోనే షేర్లు ఈ స్థాయిలో పుంజుకుంటున్నాయి.
