వ్యాపారవేత్త వీజీ సిద్ధార్థ్ బలవన్మరణంతో సంక్షోభంలో చిక్కుకున్న కేఫ్ కాఫీడే ఎంటర్ప్రైజెస్ లిమిటెడ్ (సీసీడీ) అప్పులు తగ్గించుకునే దిశగా అడుగులు వేస్తోంది. ఇందులో భాగంగా బెంగళూరులోని 9 ఎకరాల ఐటీ పార్క్ను విక్రయించాలని నిర్ణయించుకుంది. 'గ్లోబల్ విలేజ్ పార్క్' పేరుతో ఉన్న ఈ ఐటీ పార్క్ కార్యకలాపాలను సీసీడీ భాగస్వామ్య సంస్థ 'టంగ్లిన్ డెవలప్మెంట్స్ లిమిటెడ్' నిర్వహిస్తోంది.
గ్లోబల్ విలేజ్ను కొనుగోలు చేసేందుకు అమెరికా కేంద్రంగా పని చేస్తున్న 'బ్లాక్ స్టోన్' గ్రూపు 'టంగ్లిన్'తో ఇప్పటికే చర్చలు జరిపింది.
సంస్థ ఆస్తుల విక్రయానికి ఇటీవల జరిగిన సీసీడీ డైరెక్టర్ల బోర్డు ఆమోదం తెలిపింది. సీసీడీ ఆస్తుల కొనుగోలుకు మొగ్గు చూపుతున్న సంస్థల్లో 'బ్లాక్ స్టోన్' ముందు వరుసలో ఉన్నట్లు తెలుస్తోంది.
ఇదీ చూడండి: చైనాతో వాణిజ్య ఒప్పందానికి సిద్ధంగా లేము: ట్రంప్
