చైనా స్మార్ట్ఫోన్ దిగ్గజం షియోమి ఎలక్ట్రిక్ కార్ల తయారీపై దృష్టి సారించనుంది. వచ్చే పదేళ్లలో ఈ విభాగంపై సుమారు 10 బిలియన్ డాలర్ల పెట్టుబడి పెట్టనున్నట్లు ప్రకటించింది. ఈ మేరకు కంపెనీ సహ-వ్యవస్థాపకుడు, సీఈఓ లీ జున్ ప్రకటించారు.
చైనాలో వేగంగా అభివృద్ధి చెందుతున్న ఎలక్ట్రానిక్(ఈవీ) మార్కెట్లో ప్రవేశించేందుకు తీసుకున్న నిర్ణయం అతిపెద్ద మలుపు అని కంపెనీ భావిస్తోంది. ఈ ప్రకటనతో హాకాంగ్ సూచీలో షేరు షియోమి షేరు ధర ఆరు శాతానికి పైగా ఎగసింది.
వచ్చే మూడేళ్లలో మొత్తం 100 బిలియన్ యువాన్లను పెట్టుబడి పెట్టనున్నట్లు షియోమి ప్రకటించింది. దీనిలో 60% కంపెనీ సమకూరుస్తామని.. మిగతా నిధులను బయటినుంచి సేకరించాలనే యోచనలో ఉన్నట్లు తెలిపింది. ఇప్పటికే తమ కార్లలో ఉపయోగించే సాఫ్ట్‌వేర్‌ను రూపొందించేందుకు ఇంజినీర్లను సైతం షియోమి నియమించుకుంది. భవిష్యత్లో కార్లు మరింత అటానమస్గా(స్వయంచాలకంగా) ఉంటాయని భావిస్తోంది షియోమి.
''కార్ల తయారీ పరిశ్రమ గురించి మాకు పూర్తి అవగాహన ఉంది. ప్రపంచంలో విస్తృత మార్కెట్ ఉన్న 'ఈవీ' విభాగంలో చోటు సంపాదించేందుకు ప్రయత్నిస్తాం. సెర్చ్ ఇంజిన్ దిగ్గజం 'బైడు' వంటి కంపెనీలు సైతం ఎలక్ట్రిక్ కార్ల నిర్మాణానికి సమాయత్తమవుతోన్న అంశాన్ని ఇక్కడ గుర్తుంచుకోవాలి. నూతన విభాగమైన ఎలక్ట్రిక్ వెహికిల్స్ ఉత్పత్తిలోకి ప్రవేశమనేది నా చివరి ప్రయత్నం. ఇదే నా చివరి అంకుర పరిశ్రమ కూడా.''
-లీ జున్, షియోమి సీఈఓ
ఇక చైనా ఎలక్ట్రిక్ వాహన రంగంలోకి షియోమి ప్రవేశంతో ఈ విభాగంలో వృద్ధి నమోదవ్వచ్చని బ్లూమ్బర్గ్ అంచనా వేసింది. మొబైల్ఫోన్ల అసెంబ్లింగ్ మాదిరే ఎలక్ట్రిక్ కార్లనూ కాంట్రాక్ట్ పద్దతిలో ఉత్పత్తి చేసే అవుట్సోర్సింగ్ కంపెనీలకు ఇవ్వొచ్చని అభిప్రాయపడింది. అయితే ఈ వాదనను కంపెనీ తిరస్కరించింది. తాము ఏ కంపెనీతోనూ జట్టుకట్టేది లేదని స్పష్టం చేసింది.
దశాబ్దం క్రితం లీ స్థాపించిన షియోమి.. చైనాలో వేగంగా అభివృద్ధి చెందుతున్న స్మార్ట్ఫోన్ తయారీదారుగా అవతరించింది. మొబైల్ పరికరాలతో పాటు.. ఇంటర్నెట్ సేవలు, రైస్ కుక్కర్లు, రోబో-వాక్యూమ్‌ క్లీనర్ల వంటి హోమ్ గాడ్జెట్‌లను ఉత్పత్తిలోనూ ప్రసిద్ది చెందింది.
ఇవీ చదవండి: 2636 ఛార్జింగ్‌ కేంద్రాల ఏర్పాటుకు కేంద్రం గ్రీన్సిగ్నల్
2030 నాటికి ఈవీల అమ్మకాలు గణనీయం..!
