వ్యాపార వర్గాలకు దన్నుగా 'పన్ను చెల్లింపు చార్టర్​'

దేశంలోని వ్యాపార వర్గాల్లో విశ్వాసం పెంపొందించే దిశగా తమ ప్రభుత్వం చర్యలు చేపట్టినట్లు వెల్లడించారు కేంద్ర ఆర్థిక మంత్రి నిర్మలా సీతారామన్​. భారతీయ చట్టాల్లో పన్ను చెల్లింపుదారుల చార్టర్​ భాగమవుతుందని స్పష్టం చేశారు. పన్ను చెల్లింపుదారులపై వేధింపులు ఏ మాత్రం సహించబోమన్నారు.

పన్ను చెల్లింపుదారులపై వేధింపులకు స్వస్తి పలికే చర్యలు చేపట్టనున్నట్లు తెలిపారు కేంద్ర విత్త మంత్రి నిర్మలా సీతారామన్​. ఈ దిశగా చట్టాల్లో సవరణలు తీసుకొస్తామని స్పష్టం చేశారు. దేశంలోని వ్యాపార వర్గాల్లో విశ్వాసం పెంపొందించే దిశగా 'పన్ను చెల్లింపు చార్టర్'​ను పొందుపరుస్తామని వెల్లడించారు.

" వ్యాపార వర్గాల్లో విశ్వాసం పెంపొందించే దిశగా అనుకూల వాతావరణం కల్పించటం, పన్ను విధానంలో మార్పులు చేపట్టనున్నాం. పన్ను చెల్లింపు చార్టర్​ను చట్టం పరిధిలోకి తీసుకొస్తామని ఈ బడ్జెట్​ ద్వారా భరోసా ఇస్తున్నాం. పన్ను చెల్లింపుదారులపై వేదింపులకు స్వస్తి పలికే దిశగా చర్యలు చేపడతమాని మరోమారు హామీ ఇస్తున్నాం. పన్ను చెల్లింపుదారులపై ఉండే క్రిమినల్​ శిక్షల సివిల్​ విధానంలో మార్పులకు చర్యలు తీసుకుంటాం. సివిల్​ విధానంలో మార్పులకు త్వరలో చట్టసవరణ చేస్తాం. కంపెనీల చట్టంలో కొన్ని సవరణలు తీసుకురావాలని నిర్ణయించాం. ఇతర చట్టాలను కూడా పరిశీలించి అలాంటి ఏమైన నియమాలు ఉంటే వాటిని సవరిస్తాం."

- నిర్మలా సీతారామన్​, విత్త మంత్రి.

ఇదీ చూడండి: రైతు సంక్షేమమే తొలి ప్రాధాన్యంగా 'నిర్మలా' పద్దు​