ప్రముఖ డీటీహెచ్ ఆపరేటర్ టాటా స్కై హెచ్డీ+ సెట్-టాప్ బాక్స్లపై భారీ డిస్కౌంట్ అందిస్తోంది. బింగే+, టాటా స్కై+ హెచ్డీ సెట్-టాప్ బాక్స్లపై రూ.400 వరకు డిస్కౌంట్ ఇస్తున్నట్లు ప్రకటించింది. సాధారణ హెచ్డీ సెట్-టాప్ బాక్స్పై ఇప్పటికే రూ.150 మేర ఆఫర్ ఉంది. ప్రత్యేక డిస్కౌంట్ వల్ల ఎస్డీ సెట్- టాప్ బాక్స్ కంటే తక్కువ ధరకే.. హెచ్డీ సెట్-టాప్ బాక్స్ లభిస్తుండటం గమనార్హం.
డిస్కౌంట్లు ఇలా..
క్రోమ్కాస్ట్, గూగుల్ అసిస్టెంట్ ఫీచర్లు ఉండే టాటాస్కై బింగే+ సెట్-టాప్ బాక్స్ను రూ.200 తగ్గింపుతో.. రూ. 2,299కి అందిస్తొంది టాటా స్కై.
టీవీ షోలను మొబైల్, క్లౌడ్ సదుపాయంతో హెచ్డీ క్వాలిటీలో రికార్డ్ చేసేందుకు వీలుండే.. టాటా స్కై+ హెచ్డీ సెట్-టాప్ బాక్స్పై రూ.400 డిస్కౌంట్ ఇస్తోంది. ఆఫర్తో రూ.4,599కే ఈ సెట్-టాప్ బాక్స్ కొనుగోలు చేయొచ్చు.
ఇక సాధారణ హెచ్డీ సెట్-టాప్ బాక్స్ రూ.150 తగ్గింపుతో.. రూ.1,249కే అందుబాటులో ఉంది.
డిస్కౌంట్ లభించాలంటే..
టాటా స్కై అధికారిక వెబ్సైట్ ద్వారా చేసే కొనుగోళ్లకు మాత్రమే ఈ ఆఫర్లు వర్తించనున్నాయి. బింగే+ సెట్-టాప్ బాక్స్పై ఆఫర్ కోసం.. TSKY200 ప్రోమో కోడ్ను వాడాల్సి ఉంటుంది.
హెచ్డీ+ సెట్-టాప్ బాక్స్ కోసం TSKY400 అనే కోడ్ను ఎంటర్ చేయడం ద్వారా ఆఫర్ను పొందవచ్చు. అలానే సాధారణ హెచ్డీ సెట్-టాప్ బాక్స్కు TSKY150 అనే కోడ్ను ఉపయోగించాలి.
మొబిక్విక్ ద్వారా సెట్-టాప్ బాక్స్ కొనుగోలుకు చెల్లింపు చేస్తే.. 10 శాతం అదనపు క్యాష్బ్యాక్ లభించనుంది. హెచ్డీఎఫ్సీ పేజాప్తో చెల్లింపు చేసే వారు రూ.50 క్యాష్బ్యాక్ పొందొచ్చు.
ఇదీ చూడండి: మొబైల్ వ్యాపారానికి ఎల్జీ గుడ్బై
