అంతర్జాతీయ సానుకూలతలకు తోడు దేశీయ ఉత్పత్తి రంగ కార్యకలాపాలు 8 ఏళ్ల గరిష్ఠానికి చేరుకున్న నేపథ్యంలో మదుపరుల సెంటిమెంట్ బలపడింది. దీనితో ఓ పక్క ఆర్బీఐ పరపతి విధాన సమీక్ష జరుగుతున్నా... మదుపరులు దూకుడు ప్రదర్శించారు. ఫలితంగా దేశీయ మార్కెట్ల పంట పండింది.
బొంబాయి స్టాక్ ఎక్స్చేంజి సూచీ సెన్సెక్స్ 917 పాయింట్లు వృద్ధిచెంది 40,789 వద్ద ముగిసింది. జాతీయ స్టాక్ ఎక్స్చేంజి సూచీ నిఫ్టీ 271 పాయింట్లు లాభపడి 11,979 వద్ద స్థిరపడింది.
లాభనష్టాల్లో..
టైటాన్, ఐటీసీ, హెచ్డీఎఫ్సీ, బజాజ్ ఫైనాన్స్, టాటా స్టీల్, హీరోమోటోకార్ప్, పవర్ గ్రిడ్కార్ప్, ఎమ్ అండ్ ఎమ్, రిలయన్స్ ఇండస్ట్రీస్ రాణించాయి.
బజాజ్ ఆటో, జీ ఎంటర్టైన్మెంట్, ఎస్ బ్యాంకు నష్టపోయాయి.
ఆసియా మార్కెట్లు
కరోనాతో విలవిలలాడుతున్న చైనాకు అక్కడి కేంద్ర బ్యాంకు ఆర్థిక ఉద్దీపన అందించడం సహా ముడిచమురు ధరలు తగ్గిన ఫలితంగా మదుపరుల సెంటిమెంటు బలపడింది. ఫలితంగా ఆసియా మార్కెట్లు.. నిక్కీ, షాంగై కాంపోజిట్, హాంగ్సెంగ్, కోస్పీ లాభపడ్డాయి. ఐరోపా మార్కెట్లు కూడా లాభాలతో ప్రారంభమయ్యాయి.
బలపడిన రూపాయి
రూపాయి విలువ 16 పైసలు పెరిగి, ఒక డాలరుకు రూ.71.22గా ఉంది.
ముడిచమురు
అంతర్జాతీయ మార్కెట్లో ముడిచమురు ధర 0.96 శాతం పెరిగింది. ప్రస్తుతం బ్యారెల్ ధర 54.97 డాలర్లుగా ఉంది.
ఇదీ చూడండి: 'అరవింద' సమేత అమెరికా కంపెనీలు..!
