వినియోగదారులకు తమ క్రెడిట్, డెబిట్ కార్డులను ఆన్-ఆఫ్ చేసుకునే సదుపాయం కల్పించాలని ఆర్బీఐ.. బ్యాంకులు, కార్డులు జారీచేసే సంస్థలకు సూచించింది. దీని వల్ల డిజిటల్ లావాదేవీల భద్రతను పెంచడానికి, మోసాలను నివారించడానికి వీలవుతుందని పేర్కొంది.
లావాదేవీల భద్రత కోసం..
కార్డుల ద్వారా జరిగే లావాదేవీల పరిమాణం, విలువ చాలా రెట్లు పెరిగింది. ఈ కార్డులను జారీ చేసే సమయంలో... భౌతిక, వర్చువల్ కార్డులన్నీ 'కాంటాక్ట్ బెస్డ్ పాయింట్ల' వద్ద మాత్రమే ఉపయోగించడానికి వీలయ్యేలా, భారత్లో మాత్రమే చెల్లుబాటు అయ్యేలా ఉండాలని ఆదేశించింది.
మరింత సౌలభ్యం కోసం
కార్డు లేని(దేశీయ, అంతర్జాతీయ) లావాదేవీలు, కార్డ్ ప్రెజెంట్ (అంతర్జాతీయ) లావాదేవీలు, కాంటాక్ట్లెస్ లావాదేవీలు చేసుకునే సదుపాయాన్ని వినియోగదారులకు అందించాలని ఆర్బీఐ సూచించింది. ఇందుకు సంబంధించిన నిబంధనలతో... బ్యాంకులు, కార్డు జారీదారులకు ఓ సర్క్యులర్ను జారీ చేసింది.
"అన్ని రకాల లావాదేవీలు... అవి దేశీయ, అంతర్జాతీయ/ పీఓఎస్/ఏటీఎమ్/ ఆన్లైన్ లావాదేవీలను 24X7 ప్రాతిపదికన అందించాలి. అలాగే వినియోగదారులు తమ క్రెడిట్, డెబిట్ కార్డులను ఆన్, ఆఫ్ చేసుకునే సదుపాయం కల్పించాలి."- ఆర్బీఐ
మొబైల్ అప్లికేషన్, ఇంటర్నెట్ బ్యాంకింగ్, ఏటీఎమ్, ఇంటరాక్టివ్ వాయిస్ రెస్పాన్స్ల్లో కూడా ఈ కార్డుల ఆన్-ఆఫ్ సదుపాయం ఉండాలని ఆర్బీఐ స్పష్టం చేసింది.
నిర్ణయం మీదే... కానీ
ప్రస్తుతం ఉన్న (ఆన్-ఆఫ్ సౌకర్యం లేని) కార్డులను నిలిపివేయాలా వద్దా అనేదానిపై కార్డు జారీదారులు నిర్ణయం తీసుకోవచ్చని ఆర్బీఐ స్పష్టం చేసింది. అయితే ఆన్లైన్(కార్డ్ నాట్ ప్రెజెంట్), అంతర్జాతీయ, కాంటాక్ట్లెస్ లావాదేవీల కోసం ఎప్పుడూ ఉపయోగించని కార్డులు మాత్రం తప్పకుండా నిలిపివేయాలని స్పష్టం చేసింది. ప్రీపెయిడ్ గిఫ్ట్కార్డులు, మాస్ ట్రాన్సిట్ సిస్టమ్స్లో ఉపయోగించిన వాటికి తాజా సూచనలు తప్పనిసరి కాదని ఆర్బీఐ పేర్కొంది.
సైబర్ మోసాలు పెరుగుతున్న నేపథ్యంలో ఆర్బీఐ తాజా సూచనలు ప్రాముఖ్యతను సంతరించుకున్నాయి.
ఇదీ చూడండి: గూడ్స్ను ఢీకొన్న ఎక్స్ప్రెస్ రైలు.. 15మందికి గాయాలు
ఇదీ చూడండి: తొలిసారి 42వేల మార్క్ అందుకున్న సెన్సెక్స్
