ఐసీఐసీఐ బ్యాంక్ మాజీ సీఈఓ చందాకొచ్చర్ భర్త దీపక్ కొచ్చర్కు బాంబే హైకోర్టు బెయిల్ మంజూరు చేసింది. ఐసీఐసీఐ-వీడియోకాన్‌ కుంభకోణం కేసులో దీపక్ కొచ్చర్ ఇప్పటివరకు ఈడీ కస్టడీలో ఉన్నారు.
గత ఏడాది డిసెంబర్లోనే బెయిల్ కోసం దీపక్ కొచ్చర్ దరఖాస్తు చేసుకున్నారు. అయితే ప్రత్యేక కోర్టు ఆయన అభ్యర్థనను తిరస్కరించింది. ఆ తర్వాత దీపక్ కొచ్చర్ హైకోర్టును ఆశ్రయించారు.
ఐసీఐసీఐ బ్యాంకు నుంచి వీడియోకాన్‌ గ్రూప్‌నకు రుణాలు మంజూరు చేయడంలో రూ.1,875 కోట్ల మేర అవినీతికి పాల్పడ్డారని చందాకొచ్చర్ దంపతులపై మనీలాండరింగ్‌ చట్టం కింద గత ఏడాది సెప్టెంబర్లో ఈడీ కేసులు నమోదు చేసింది. వారితో పాటు వీడియోకాన్‌ గ్రూప్‌నకు చెందిన వేణుగోపాల్‌ దూత్‌పైనా కేసు పెట్టింది. ఈ క్రమంలోనే ఐసీఐసీఐ బ్యాంకు బోర్డు చందా కొచ్చర్‌ను సీఈఓ పదవి నుంచి తప్పించింది.
ఇదీ చదవండి:విదేశాలకు నెఫ్ట్, ఆర్టీజీఎస్ సేవలు!
