దిగొచ్చిన బంగారం ధర- 10 గ్రాములు ఎంతో తెలుసా?

దేశీయ మార్కెట్లో బంగారం ధర దిగొస్తోంది. 10 గ్రాముల మేలిమి పుత్తడి ధర నేడు రూ.516 క్షీణించింది. వెండి ధర మాత్రం కిలోకు రూ.47,234కు పెరిగింది.

బంగారం ధర నేడు గణనీయంగా తగ్గింది. దేశ రాజధాని దిల్లీలో 10 గ్రాముల స్వచ్ఛమైన పసిడి ధర రూ.516 తగ్గి.. రూ.44,517 చేరింది.

డాలర్​తో పోలిస్తే రూపాయి కాస్త పుంజుకోవడం వల్ల బంగారం ధరలు తగ్గినట్లు నిపుణులు విశ్లేషిస్తున్నారు.

వెండి ధర మాత్రం నేడు స్వల్పంగా పెరిగింది. కిలోకు (దిల్లీలో) రూ.146 వృద్ధితో.. రూ.47,234 వద్దకు చేరింది.

అంతర్జాతీయ మార్కెట్​లో ఔన్సు బంగారం ధర 1,661 డాలర్లుగా ఉండగా, వెండి ఔన్సుకు 17.03 డాలర్లుగా ఉంది.

ఇదీ చూడండి:స్టేట్​ బ్యాంక్​ శుభవార్త- వడ్డీరేట్లు తగ్గింపు