ఉగాది వేడుకల కోసం రాష్ట్ర ప్రభుత్వం ప్రత్యేక ఏర్పాట్లు చేసింది. ఈరోజు ఉదయం 10.30 గంటలకు ప్రభుత్వం తరఫున రవీంద్ర భారతిలో వికారి నామ సంవత్సర వేడుకలు నిర్వహించనున్నారు. ఎన్నికల నియమావళి రీత్యా ప్రగతి భవన్లో నిర్వహించడం లేదని అధికారులు తెలిపారు. ఈ వేడుకలకు సీఎస్ ఎస్కే జోషి హాజరుకానున్నారు. పంచాంగ శ్రవణంతో పాటు, సాంస్కృతిక కార్యక్రమాలు నిర్వహించనున్నారు.
గవర్నర్, ముఖ్యమంత్రి ఉగాది శుభాకాంక్షలు
ఉగాది పర్వదినం సందర్భంగా గవర్నర్ నరసింహన్, ముఖ్యమంత్రి కేసీఆర్ ప్రజలకు శుభాకాంక్షలు తెలిపారు. కొత్త ఏడాదిలో ప్రజలకు ఉజ్వల భవిష్యత్తు కలగాలని గవర్నర్ ఆకాంక్షించారు. ప్రజలంతా సుఖశాంతులతో జీవించాలని భగవంతుని ప్రార్థిస్తున్నట్లు సీఎం తెలిపారు.
నేడు రవీంద్ర భారతిలో ఉగాది వేడుకలు
ఇదీ చదవండి: సివిల్స్లో మిర్యాలగూడ వాసికి 7వ ర్యాంకు
