1983 క్రికెట్ ప్రపంచకప్ నేపథ్యంలో సాగే కథాంశంతో రూపొందుతున్న చిత్రం '83'. కబీర్‌ఖాన్‌ దర్శకత్వంలో రూపొందుతున్న ఈ సినిమాలో కపిల్‌ పాత్రను రణ్‌వీర్‌ సింగ్, అతడి సతీమణి రోమి భాటియా పాత్రను దీపికా పదుకొణె పోషిస్తున్నారు. తాజాగా చిత్రబృందం 1983లో కపిల్దేవ్ ప్రపంచకప్ను అందుకుంటున్న సన్నివేశాన్ని పునఃసృష్టించింది.
రణ్‌వీర్‌, కబీర్‌, టెన్నిస్‌ ఆటగాడు మహేశ్‌ భూపతి ఆ చిత్రాన్ని శనివారం ఆవిష్కరించారు. '83' దుస్తులు, వస్తువులను అమ్మకానికి పెట్టారు. విడుదల చేసిన ఫొటోలో కపిల్‌దేవ్గా రణ్‌వీర్‌ సరిగ్గా సరిపోయాడు. ఆ సన్నివేశం కూడా దానిని ప్రతిబింబించింది. ప్రస్తుతం ఈ చిత్రం నెట్టింట వైరల్‌గా మారింది.
ఇది చూడండి.. నాలో ఏ ప్రత్యేకతలు లేవు: హీరోయిన్ సారా అలీఖాన్
