'ప్రగతి భవన్​' పై తెరాసకు లేఖ: రజత్​

ప్రగతి భవన్​ను రాజకీయ కార్యకలాపాలకు వినియోగిస్తున్నారన్న ఫిర్యాదుపై సీఈసీ ఆదేశాలతో తెరాసకు లేఖ రాశామని రాష్ట్ర ఎన్నికల ప్రధానాధికారి రజత్​ కుమార్​ వెల్లడించారు.

ప్రగతి భవన్​లో రాజకీయ కార్యకలాపాలు నిర్వహిస్తున్నారన్న కాంగ్రెస్​ ఫిర్యాదుపై ఈసీకి నివేదించామని రాష్ట్ర ప్రధాన ఎన్నికల అధికారి రజత్​కుమార్​ తెలిపారు. వివరణ ఇవ్వాల్సిందిగా తెరాస పార్టీ ప్రధాన కార్యదర్శికి లేఖ రాశామన్నారు. 48 గంటల్లోగా వివరణ ఇవ్వాల్సిందిగా ఆదేశించామని తెలిపారు. సీఎం కేసీఆర్​పై విశ్వహిందూ పరిషత్​ ఫిర్యాదును కూడా పరిశీలించామని, కేసీఆర్​ వ్యాఖ్యల్లో ఎలాంటి ఉల్లంఘనలు లేవని స్పష్టం చేశారు. ఇప్పటి వరకు రూ.10 కోట్ల నగదు, రూ. రెండు కోట్ల విలువైన మద్యం, రూ. 2.45 కోట్ల విలువైన మాదకద్రవ్యాలను స్వాధీనం చేసుకున్నామని రజత్​కుమార్​ పేర్కొన్నారు.

ఇవీ చూడండి:పేదలకు ఏటా రూ.72వేల నగదు బదిలీ : రాహుల్​