మావోయిస్టు ప్రభావిత ప్రాంతాల్లో ముగిసిన పోలింగ్

రాష్ట్రంలో మావోయిస్టు ప్రభావిత ప్రాంతాల్లో ప్రాదేశిక పోరు ముగిసింది. భద్రతా కారణాల దృష్ట్యా నాలుగు గంటల వరకే అవకాశం ఇచ్చారు.

రాష్ట్రంలోని మావోయిస్టు ప్రభావిత ప్రాంతాల్లో పోలింగ్ ముగిసింది. కుమురం భీం ఆసిఫాబాద్​, మంచిర్యాల, భద్రాద్రి కొత్తగూడెం, ములుగు, జయశంకర్ భూపాలపల్లిలో ఓటింగ్ ప్రశాంతంగా ముగిసింది. ఓటర్లు ఉత్సాహంగా ఓటు హక్కు వినియోగించుకున్నారు. ఎలాంటి ఘర్షణలు లేకుండా ప్రక్రియ పూర్తి కావడం వల్ల అధికారులు ఊపిరి పీల్చుకున్నారు. పోలింగ్ ముగిసిన 4 గంటల లోపు లైన్లో ఉన్నవారికి ఓటు వేసే అవకాశం కల్పించారు.