జీహెచ్ఎంసీ ఎన్నికల షెడ్యూల్ విడుదలైంది. రేపట్నుంచి ఈ నెల 20 వరకు నామినేషన్ల స్వీకరించనున్నట్లు ఎస్ఈసీ పార్ఠసారథి తెలిపారు. డిసెంబరు 1న జీహెచ్ఎంసీ ఎన్నికల పోలింగ్ నిర్వహించనున్నట్లు ప్రకటించారు. డిసెంబరు 4న జీహెచ్ఎంసీ ఓట్ల లెక్కింపు, ఫలితాలు వెల్లడించనున్నట్లు వివరించారు. గ్రేటర్ హైదరాబాద్‌ మేయర్ పదవి మహిళ(జనరల్)కు కేటాయించినట్లు పేర్కొన్న ఎస్ఈసీ... బ్యాలెట్ విధానంలోనే ఎన్నికలు నిర్వహించనున్నట్లు తెలిపారు.
ఈ నెల 20 వరకు నామినేషన్ల స్వీకరించనున్న అధికారులు... 21న నామినేషన్ల పరిశీలించనున్నారు. 22 వరకు నామినేషన్ల ఉపసంహరణకు అవకాశమిచ్చారు. డిసెంబర్ 1న ఉదయం 7 నుంచి 6 గంటల వరకు పోలింగ్ నిర్వహించనున్నారు. డిసెంబరు 3న అవసరమైన కేంద్రాల్లో రీపోలింగ్ నిర్వహిస్తామని పార్థసారథి తెలిపారు. జీహెచ్ఎంసీ పరిధిలో తక్షణమే ఎన్నికల కోడ్ అమల్లోకి వస్తుందని తెలిపారు.
రిజర్వేషన్లు...
- జీహెచ్ఎంసీ వార్డు రిజర్వేషన్లు: ఎస్టీ-2(జనరల్ 1, మహిళ1)
- జీహెచ్ఎంసీ వార్డు రిజర్వేషన్లు: ఎస్సీ-10(జనరల్ 5, మహిళలు 5)
- జీహెచ్ఎంసీ వార్డు రిజర్వేషన్లు: బీసీ-50(జనరల్ 25, మహిళలు 25)
- జీహెచ్ఎంసీ వార్డు రిజర్వేషన్లు: జనరల్ మహిళ-44, జనరల్-44
పోలింగ్ కేంద్రాలు...
- గ్రేటర్ పరిధిలో 1,439 సమస్యాత్మక పోలింగ్ కేంద్రాలు
- గ్రేటర్‌లో 1,004 అత్యంత సమస్యాత్మక పోలింగ్ కేంద్రాలు
- గ్రేటర్‌లో 257 క్రిటికల్ పోలింగ్ కేంద్రాలు గుర్తించాం
ఇదీ చూడండి: ‘గ్రేటర్’ ఎన్నికలకు అన్ని పార్టీల కసరత్తు షురూ..
