'రేపిస్ట్' మర్మాంగాన్ని కోసేసిన మహిళ- కవర్​లో స్టేషన్​కు తీసుకెళ్లి ఫిర్యాదు

Woman Cuts Off Man Private Parts : అత్యాచారం చేసేందుకు యత్నించిన యువకుడి ప్రైవేట్​ భాగాలను కోసేసింది ఓ మహిళ. వాటిని కవర్​లో తీసుకుని పోలీస్​స్టేషన్​కు వెళ్లి మరీ ఫిర్యాదు చేసింది. దీంతో పోలీసులు ఒక్కసారిగా షాకయ్యారు. ఉత్తర్​ప్రదేశ్​లో జరిగిందీ ఘటన.

Woman Cuts Off Man Private Parts : ఉత్తర్​ప్రదేశ్​లోని కౌశాంబి జిల్లాలో అత్యాచారం చేసేందుకు యత్నించిన యువకుడి ప్రైవేట్​ భాగాలను ఓ మహిళ కోసేసింది. అనంతరం వాటిని పాలిథిన్ కవర్​లో పోలీస్​స్టేషన్​కు తీసుకెళ్లి జరిగినదంతా చెప్పింది. అయితే కేసు నమోదు చేసుకున్న పోలీసులు.. మహిళను అదుపులోకి తీసుకున్నారు. అసలేం జరిగిందంటే?

పోలీసులు తెలిపిన వివరాల ప్రకారం.. జిల్లాలోని మంజన్​పుర్​ పోలీస్​స్టేషన్​ పరిధిలో ఈ ఘటన జరిగింది. బాధిత మహిళ భర్త సౌదీ అరేబియాలో పనిచేస్తున్నాడు. బాధితురాలి వద్ద పనిచేస్తున్న ఓ యువకుడు.. మంగళవారం మధ్యాహ్నం ఎవరూ లేని సమయంలో ఆమెపై అత్యాచారం చేసేందుకు యత్నించాడు. ఆమె ప్రతిఘటించగా.. బలవంతంగా గదిలోకి తీసుకెళ్లాడు. అయితే అతడిని మాటల్లో పెట్టి.. వంటగదిలోకి వెళ్లి కత్తి తెచ్చింది మహిళ. ఒక్కసారిగా నిందితుడి జననాంగాలను కోసేసింది. ప్రైవేట్​ భాగాలను కవర్​లో తీసుకుని పోలీస్​స్టేషన్​కు వెళ్లి ఫిర్యాదు చేసింది.

అయితే ఘటనాస్థలి నుంచి యువకుడు ఎలాగోలా తప్పించుకుని తన ఇంటికి చేరుకున్నాడు. కుటుంబసభ్యుల సహాయంతో ప్రైవేట్​ ఆస్పత్రిలో చేరాడు. తాను చాలా ఏళ్ల నుంచి ఆ మహిళ వద్దే పనిచేస్తున్నట్లు యువకుడి చెప్పాడు. తన నోట్లో వస్త్రం కుక్కి ఆమె తన ప్రైవేట్​ భాగాలను కోసేసిందని తెలిపాడు. అత్యాచారం ఆరోపణలను యువకుడు ఖండించాడు. యువకుడి తరఫున కుటుంబసభ్యులు కూడా పోలీసులకు ఫిర్యాదు చేశారు. అయితే ఇరు వైపుల ఫిర్యాదులు అందుకున్న పోలీసులు.. మహిళను అదుపులోకి తీసుకున్నారు. కత్తిని స్వాధీనం చేసుకున్నారు.

గుండెపోటు వచ్చిందని గర్ల్​ఫ్రెండ్​ ఫోన్.. నమ్మి వెళ్తే ప్రైవేట్​ పార్ట్ కట్!
కొన్ని రోజుల క్రితం.. బిహార్​లోని ముజఫర్​పుర్​లో గర్ల్​ ఫ్రెండ్​ నుంచి కాల్​ వచ్చిందని వెళ్లిన ఓ యువకుడు భంగపడ్డాడు. ప్రేయసి కుటుంబసభ్యులు యువకుడిపై దాడి చేసి అతడి ప్రైవేటు భాగాలను కోసేశారు. పోలీసులు తెలిపిన వివరాల ప్రకారం.. స్థానికంగా ఉండే యువకుడు.. నగరంలోని సరౌయాగంజ్​కు చెందిన ఓ యువతి ప్రేమించుకున్నారు. అయితే అతడు రోజూ సాయంత్రం 4 గంటల సమయంలో జిమ్​కు వెళతాడు.

అలా జిమ్​కు బయలుదేరిన ఆ యువకుడికి.. తన ప్రియురాలు ఫోన్​ చేసింది. తన తండ్రికి గుండెపోటు వచ్చిందని.. ఆస్పత్రికి తీసుకెళ్లాలని.. వెంటనే రావాలని యువకుడికి చెప్పింది. దీంతో నిజమే అని నమ్మిన యువకుడు ప్రేయసి ఇంటికి వెళ్లాడు. అప్పటికే అక్కడ కాపుకాసిన యువతి, ఆమె తల్లి, తండ్రి, సోదరుడు అతడిపై దాడి చేశారు. అతడి వద్ద నుంచి గోల్డ్ చైన్, ఉంగరం, సెల్​ఫోన్​ లాక్కున్నారు. అక్కడితో ఆగకుండా బాధితుడి ప్రైవేటు భాగాన్ని కోసేశారు.