Rare Squirrel Monkey Stolen: తమిళనాడు, చెన్నైలోని వాండలూర్ అన్నా జూ పార్క్.. అనేక అరుదైన జాతులకు చెందిన జంతువులు, పక్షులకు నెలవు. కరోనా కారణంగా మూతపడిన జూపార్క్ ఇటీవల తిరిగి ప్రారంభమైంది.
అయితే ఈ జూలో ఉన్న రెండు అరుదైన స్క్వీరెల్ జాతికి చెందిన కోతులు అపహరణకు గురైనట్లు అధికారులు గుర్తించారు. ఇనుప కంచెకు రంద్రం చేసి కోతులను ఎత్తుకెళ్లినట్లు నిర్ధరించారు. ఈ ఘటనపై స్థానిక ఒట్టేరీ పోలీస్ స్టేషన్లో ఫిర్యాదు చేశారు జూ అధికారులు.
ఈ రెండు మగ స్క్వీరెల్ కోతులను 2018లో చెన్నై విమానాశ్రయంలో స్వాధీనం చేసుకున్నారు. దక్షిణాఫ్రికా నుంచి వచ్చిన స్మగ్లర్ల నుంచి వీటిని స్వాధీనం చేసుకుని జూపార్క్కు తరలించారు.
ఈ అరుదైన కోతులకు ప్రపంచ మార్కెట్లో భారీ డిమాండ్ ఉందని అధికారులు తెలిపారు. ఈ ఘటనపై పోలీసులు దర్యాప్తు చేపట్టారు.
ఇదీ చూడండి: సూర్య 'గ్యాంగ్' సీన్ రిపీట్- నకిలీ ఐటీ అధికారుల ముఠా అరెస్ట్
