లష్కర్-ఏ-తోయిబా(ఎల్ఈటీ) ముఠా కోసం పనిచేసే ఇద్దరు అనుచరులను కశ్మీర్ పోలీసులు అరెస్ట్ చేశారు. ముందస్తు సమాచారం ప్రకారం పపచాన్-బందిపొరా బ్రిడ్జ్ చెక్ పాయింట్ వద్ద పోలీసులు తనిఖీ చేస్తుండగా.. వారు పట్టుబడ్డారు.
శుక్రవారం శ్రీనగర్లో జరిగిన కాల్పులకు, వీరికి సంబంధం ఉన్నట్లు పోలీసులు భావిస్తున్నారు. బందిపొరా జిల్లాకు చెందిన అబిద్ వాజా, బషీర్ అహ్మద్ గోజెర్గా గుర్తించారు. ఉగ్రవాదులకు ఆశ్రయం కల్పించటం, వారికి కావాల్సిన సామగ్రిని సమకూర్చటం.. వీరి వృత్తి అని పోలీసులు వివరించారు. వాళ్లు బందిపొరాలోని భద్రతా సిబ్బందిపై గ్రెనేడ్ దాడికి పాల్పడేందుకు యత్నించినట్లు ఓ పోలీస్ అధికారి తెలిపారు. వారి వద్ద రెండు లైవ్ గ్రెనేడ్ సామగ్రిని స్వాధీనం చేసుకున్నామని తెలిపారు.
ఇదీ చదవండి : భారత్- చైనా మధ్య 10వ విడత చర్చలు
