సామాజిక మాధ్యమ దిగ్గజం ట్విట్టర్ మరోసారి భారత దేశ మ్యాప్ను వక్రీకరించింది. భారత్లో అంతర్భాగమైన జమ్ముకశ్మీర్, లద్దాఖ్ను విడదీసి చూపించింది. 'ట్వీప్ లైఫ్' అనే శీర్షికతో ట్విట్టర్ వెబ్‌సైట్ కెరీర్ విభాగం కింద ఈ మ్యాప్ దర్శనమిచ్చింది. దీనిపై నెటిజన్ల నుంచి తీవ్ర విమర్శలు వ్యక్తం అవుతున్నాయి.
రోజురోజుకు ట్విట్టర్ అరాచకాలు పెరిగిపోతున్నాయని ఓ యూజర్ మండిపడగా.. భారతీయులను అవమానించే రీతిలో ప్రవర్తిస్తోందంటూ మరో నెటిజన్ ఆగ్రహం వ్యక్తం చేశారు. ట్విట్టర్ను నిషేధించాలని డిమాండ్ చేస్తూ పోస్టులు పెడుతున్నారు.
వరుస చర్యలు..
భారత మ్యాప్పైనే గాక.. గత కొన్నిరోజులుగా.. నూతన ఐటీ చట్టాల విషయంలో భారత ప్రభుత్వంతో విభేదిస్తూ వరుస కవ్వింపు చర్యలకు దిగుతోంది ట్విట్టర్. తాత్కాలిక గ్రీవెన్స్ ఆఫీసర్‌ నియామకం, తొలగింపు.. అంతలోనే అమెరికా పౌరుణ్ని(జెరెమీ కెసెల్) భారత్లో ఆ పదవికి ఎంపిక చేయడం వంటివాటిని ప్రభుత్వం ఏ విధంగా పరిగణిస్తుందో వేచిచూడాలి.
కొత్త కాదు...
భారత మ్యాప్ను తప్పుగా చూపటం ట్విట్టర్కు ఇదే మొదటిసారి కాదు. 2020లోనూ లేహ్ ప్రాంతాన్ని చైనా మ్యాప్లో చూపించి విమర్శలు మూటగట్టుకుంది. ఆ సమయంలో ట్విట్టర్ సీఈఓ జాక్ డోర్సీకి తీవ్ర హెచ్చరికలు జారీ చేసింది ప్రభుత్వం.
ఇవీ చదవండి:
