టీకా ఉత్సవ్ కార్యక్రమంలో భాగంగా మూడు రాష్ట్రాల్లో కోటి మందికి వ్యాక్సిన్ పంపిణీ చేసినట్లు కేంద్రం తెలిపింది. నాలుగు రోజుల పాటు జరిగిన ఈ కార్యక్రమంలో.. మహారాష్ట్ర, రాజస్థాన్, ఉత్తర్ప్రదేశ్ రాష్ట్రాలు కలిసి కోటికి పైగా డోసులను అందించాయని పేర్కొంది. ఈ మేరకు కేంద్ర ఆరోగ్య మంత్రిత్వ శాఖ వివరించింది.
దేశవ్యాప్తంగా అర్హులైన ప్రతి ఒక్కరికి కరోనా టీకా వేయడం కోసం ప్రధాని మోదీ.. టీకా ఉత్సవ్ను ఏప్రిల్11న ప్రారంభించారు. ఏప్రిల్ 14వరకు ఈ కార్యక్రమం జరిగింది. కాగా దేశవ్యాప్తంగా టీకా ఉత్సవ్లో 1,28,98,314 డోసుల్ని పంపిణీ చేశారు.
'టీకా ఉత్సవ్' కార్యక్రమంలో వేసిన డోసుల సంఖ్య..
| తేది | టీకా డోసులు |
| ఏప్రిల్-11 | 29,33,418 |
| ఏప్రిల్-12 | 40,04,521 |
| ఏప్రిల్-13 | 26,46,528 |
| ఏప్రిల్-14 | 33,13,848 |
మూడు రాష్ట్రాలలో ఇప్పటివరకు వేసిన డోసులు
| రాష్ట్రం | టీకా డోసులు |
| మహారాష్ట్ర | 1,11,19,018 |
| రాజస్థాన్ | 1,02,15,471 |
| ఉత్తర్ప్రదేశ్ | 1,00,17,650 |
ఇదీ చదవండి: కరోనా కొత్త స్ట్రెయిన్ లక్షణాలేంటి?
