జమ్ముకశ్మీర్లోని పుల్వామాలో ముగ్గురు ఉగ్రవాద అనుచరులను పోలీసులు అరెస్టు చేశారు. వీరి కదలికలపై పక్కా సమాచారం అందుకున్న అవంతిపొరా పోలీసులు.. రాష్ట్రీయ రైఫిల్స్, సీఆర్పీఎఫ్తో కలిసి దాద్సరా త్రాల్, బాటాగుండ్ గ్రామాల్లో తనిఖీలు నిర్వహించారు. హిజ్బుల్ ముజాహిదీన్కు చెందిన ముగ్గురిని అదుపులోకి తీసుకున్నారు. వీరంతా ఉగ్రవాదులకు ఆశ్రయం కల్పిస్తున్నారని పోలీసులు తెలిపారు. పరిసర ప్రాంతాల్లోని ముష్కరులకు ఆయుధాల సరఫరా చేస్తున్నారని చెప్పారు.
అరెస్టైన ఉగ్రవాద అనుచరులు వీరే
- షఫత్ అహ్మద్ సోఫీ, బాటాగుండ్
- మజీద్ మొహమ్మద్ భట్, దాద్సరా
- ఉమర్ రషీద్ వానీ, దాద్సరా
అదుపులోకి తీసుకున్న ముష్కరులను అదే ప్రాంతంలో విచారించారు పోలీసులు. వారిచ్చిన సమాచారం మేరకు భారీగా ఆయుధాలను స్వాధీనం చేసుకున్నారు. 8 ఎలక్ట్రిక్ డిటోనేటర్లు, ఏడు యాంటీ మెకానిజం స్విచ్చులతో పాటు ఇతర ఐఈడీ పరికరాలను గుర్తించారు.
ఇదీ చదవండి: 'ఆ రైతు నాయకుడి హత్యకు అంతర్జాతీయ కుట్ర'
