పరువు హత్య కేసులో బెయిల్ పిటిషన్ దాఖలు చేసిన గుల్షన్ అనే వ్యక్తిపై అలహాబాద్ హైకోర్టు తీవ్ర ఆగ్రహం వ్యక్తం చేసింది. కుటుంబ గౌరవం పేరుతో.. సోదరిని, ఆమె భర్తను హత్య చేయడంపై మండిపడింది. 'కుటుంబ గౌరవం పేరుతో తప్పుడు ఆలోచనతో హత్యలకు పాల్పడే వారికి ఈ సమాజంలో స్థానం లేద'ని తీవ్ర వ్యాఖ్యలు చేసింది. పిటిషనర్ తరపు న్యాయవాది వాదనలు విన్న జస్టిస్ జేజే మునిర్ నేతృత్వంలోని ధర్మాసన ఈ మేరకు వ్యాఖ్యలు చేసింది.
"గుల్షన్ మాత్రమే కాకుండా, కుటుంబ సభ్యులు అందరూ పరువు హత్యలో భాగం అయ్యారు అని స్పష్టం అవుతోంది. ఈ కేసులో ఆ కుటుంబం అహంకారం స్పష్టంగా కనిపిస్తోంది. వీరి పరువుకు భంగం కలిగింది అని యువ జంటను దారుణంగా హత్య చేశారు. ఇందుకుగాను బెయిల్ మంజూరు చేయడం కుదరదు."
-అలహాబాద్ హైకోర్టు
ఈ హత్య కేసులో గుల్షన్దే కీలక పాత్ర అని నమ్మిన న్యాయస్థానం అతనికి బెయిల్ మంజూరు చేయడం కుదరదని స్పష్టం చేసింది. దీనికి గానూ గుల్షన్ తరుఫు న్యాయవాది వాదను వినిపించారు. కేవలం రోహిత్ కుమార్ అనే వ్యక్తిపై మాత్రమే దాడి చేశారని.. కాల్పులు జరిపింది మరో నిందితుడని కోర్టుకు విన్నవించారు.
గుల్షన్ సోదరి వేరే సామాజికి వర్గానికి చెందిన వ్యక్తిని వివాహం చేసుకున్న కారణంగా వారి కుటుంబం పగతో వారిని అంతం చేసింది.
ఇదీ చూడండి: రాజధానిలో మాజీ మంత్రి భార్య దారుణ హత్య
