digital pass system in telangana new secretariat : దేశం అంతా మాట్లాడుకునే రీతిలో తెలంగాణ సచివాలయాన్ని నిర్మించింది రాష్ట్ర ప్రభుత్వం. రాష్ట్రానికే ప్రధాన ఆకర్షణగా నిలుస్తోంది ఈ నూతన నిర్మాణం. భాగ్యనగర వాసులు దీనిని చూడటానికి ఎంతో ఆసక్తి చూపుతున్నారు. అయితే కొత్త సచివాలయానికి ఆకర్షణ ఎంత ఉందో.. పటిష్ఠ భద్రత కూడా అంతే ఉంది. సెక్రటేరియట్లో భద్రత ఏర్పాట్లు ముమ్మరంగా సాగుతున్నాయి. సచివాలయం లోపలికి వెళ్లే విజిటర్స్ విషయంలో ప్రత్యేక నిఘా పెడుతున్నారు.
telangana new secretariat : ప్రస్తుతం సందర్శకులు సచివాలయం లోపలికి వెళ్లే విజిటర్స్కు మాన్యువల్గా ఇస్తున్న పాస్ల స్థానంలో డిజిటల్ పాస్లను అందుబాటులోకి తీసుకురావాలని ప్రయత్నాలు చేస్తున్నారు. ప్రత్యేక విధానంలో క్యూఆర్ కోడ్తో కూడిన పాస్లను తయారు చేస్తున్నారు. అయితే ఈ పాస్లను పొందిన వారు లోపలికి వెళ్లిన తర్వాత ఇష్టారీతిన ఎక్కడికి పడితే అక్కడికి వెళ్లకుండా వీలుండకపోవడమే ఈ పాస్ల స్పెషాలిటీ.
అత్యాధునిక టెక్నాలజీతో : ఎలా అంటే.. మనం ఏ శాఖకు సంబంధించిన అధికారులను కలవడానికి వెళ్తున్నామో వాటికి సంబంధించిన పాస్లను తీసుకోవాలి. ఉదాహరణకు ఐటీ శాఖ కార్యాలయానికి వెళ్లడానికి డిజిటల్ పాస్లను పొందిన వ్యక్తి ఎంచుకున్న కార్యాలయానికి వెళ్లడానికి మాత్రమే అవకాశం ఉంటుంది. వేరే కార్యాలయాల ద్వారా లోపలికి వెళ్లడానికి ప్రయత్నిస్తే డోర్స్ తెరుచుకోవు. దేనికి సంబంధించిన పాస్లు తీసుకోవాల్సి ఉంటుంది. ఈ టెక్నాలజీని రూపొందించడంలో ఎలక్ట్రానిక్స్‌ కమ్యూనికేషన్‌, ఇన్ఫర్మేషన్‌ టెక్నాలజీ విభాగాలు తీవ్ర కృషి చేస్తున్నాయి.
నకిలీలకు ఆస్కారం లేకుండా : ఉప్పల్ స్టేడియంలో బార్కోడ్లను ట్యాంపరింగ్ చేసి నకిలీ టికెట్లను రూపొందించిన ఉదంతం వెలుగులోకి వచ్చింది. దీనిని దృష్టిలో పెట్టుకుని అలాంటి నకిలీలలకు ఆస్కారం లేకుండా చేసేలా టెక్నాలజీని వినియోగిస్తోంది. ఈ డిజిటల్ పాస్ల వ్యవస్థ అందుబాటులోకి రాగానే దీని నిర్వహణ బాధ్యతను ప్రైవేటు ఏజెన్సీకి అప్పగించే యోచన కనిపిస్తోంది. సెక్రటేరియట్ భద్రత బాధ్యతను నిర్వహించే పోలీస్శాఖ పర్యవేక్షణలో ఈ డిజిటల్ పాస్ల ప్రక్రియ జరుగుతుంది. సెక్రటేరియట్కు వచ్చే సందర్శకుల కదలికలను పోలీసులు కమాండ్ కంట్రోల్ రూం నుంచి పర్యవేక్షిస్తుంటారు. ఈ సచివాలయం మొత్తం 300 వరకు సీసీ కెమెరాలున్నాయి. ఇదంతా కమాండ్ కంట్రోల్ రూమ్కే అనుసంధానించి ఉంటుంది. ఇలా సెక్రటేరియట్లోని ప్రతి అంగుళం నిఘా నీడలోనే ఉంటుంది.
ఉద్యోగులకు స్థాయిని బట్టి కలర్ పాస్లు : డిజిటల్ పాస్లతో ప్రవేశించే సందర్శకులు సచివాలయంలో ఎంతసేపు ఉన్నారు? ఎవరెవరిని కలిశారు అనే సమాచారం డిజిటల్గా రికార్డు అవ్వనుంది. వచ్చిన వ్యక్తే మరోసారి వస్తే పాత రికార్డు ఆధారంగా వీళ్లు ఇంతకు ముందు వచ్చారనే సమాచారం తెలిసిపోతుంది. అలాంటి టెక్నాలజీ అందుబాటులోకి రానుంది. ఇలా ఒక వ్యక్తి ఎన్ని సచివాలయాన్ని సందర్శించారు అనే విషయం నిక్షిప్తమవ్వనుంది. సెక్రటేరియట్లో అన్ని విభాగాల్లో పనిచేసే సుమారు రెండు వేల మంది ఉద్యోగుల కోసం ప్రత్యేక పాస్లు ఇవ్వనున్నారు. వీరి పాస్లను డైరెక్టర్‌, హెచ్‌వోడీ, సెక్షన్‌ ఆఫీసర్‌ వివిధ ఉద్యోగాల వారీగా విభజించనున్నారు. ఉద్యోగ స్థాయిని బట్టి ఒక్కో స్థాయికి ఒక్కో రంగుతో కూడిన పాస్లను జారీ చేసే ఆలోచనలో ఉన్నారు.
ఇవీ చదవండి:
