10,12 తరగతుల ఫస్ట్ టర్మ్ బోర్డు పరీక్షలపై సీబీఎస్ఈ(cbse news today) కీలక ప్రకటన చేసింది. నవంబర్- డిసెంబర్లో ఆఫ్లైన్ విధానంలో పరీక్షలు జరుగుతాయని, అందుకు సంబంధించిన డేట్ షీట్ ఈ నెల 18న విడుదల చేయనున్నట్టు పేర్కొంది(cbse news today class 10).
90 నిమిషాల నిడివి గల పరీక్షలు.. ఆబ్జెక్టివ్ విధానంలో ఉంటాయని సీబీఎస్ఈ తెలిపింది. ఉదయం 11:30కి పరీక్షలు ప్రారంభమవుతాయని స్పష్టం చేసింది.
కరోనా కారణంగా గతంలో.. 2021-22 విద్యాసంవత్సరానికి మార్పులు చేసింది సీబీఎస్ఈ. విద్యాసంవత్సరాన్ని రెండుగా విభజించి.. రెండు టర్మ్-ఎండ్ పరీక్షలు నిర్వహించాలని నిర్ణయించింది. అందుకు తగ్గట్టుగానే సిలబస్లోనూ మార్పులు చేసింది.
"టర్మ్-1 పరీక్షల తర్వాత మార్కుల రూపంలో ఫలితాలు వెల్లడిస్తాం. పాస్, కంపార్ట్మెంట్, రిపీట్ కేటగిరీలో విద్యార్థులు ఉండరు. కాగా.. రెండు టర్మ్ పరీక్షలు అయిన తర్వాతే తుది ఫలితాలు విడుదల చేస్తాము. ఫస్ట్ టర్మ్ పరీక్షలకు ముందే, ఇంటర్నల్ అసెస్మెంట్లు, ప్రాక్టికల్ పరీక్షలు పూర్తవుతాయి. ఇందుకోసం 50శాతం మార్కులు కేటాయిస్తారు. "
--- నన్యమ్ భరద్వాజ్, సీబీఎస్ఈ ఎగ్జామ్ కంట్రోలర్.
2022 మార్చి-ఏప్రిల్లో రెండో టర్మ్ పరీక్షలు జరిగే అవకాశమున్నట్టు భరద్వాజ్ అభిప్రాయపడ్డారు.
ఇదీ చూడండి:- CBSE news: ఇక 10, 12 తరగతులకు కాగిత రహిత ధ్రువపత్రాలు
