రాజస్థాన్లోని పుష్కర్లో ఓ అమానవీయ ఘటన వెలుగుచూసింది. ఆరేళ్ల బాలికపై అత్యాచారానికి పాల్పడ్డాడు 23 ఏళ్ల యువకుడు. ఈ సమాచారం అందిన వెంటనే నిందితుడిని అరెస్టు చేసినట్లు అజ్మేర్ ఎస్పీ జగ్దీష్ చంద్ర శర్మ తెలిపారు. పోక్సో చట్టం కింద నిందితుడిపై కేసు నమోదు చేసినట్లు పేర్కొన్నారు. ఈ ఘటనపై పూర్తి స్థాయిలో దర్యాప్తు చేస్తున్నట్లు తెలిపారు.
20 మంది అరెస్టు..
రాజస్థాన్లోని జలావర్ ప్రాంతంలో ఓ మైనర్పై అత్యాచారానికి పాల్పడ్డ ఘటనలో 20 మందిని అరెస్టు చేశారు పోలీసులు.
"సుకేత్కు చెందిన 15 ఏళ్ల బాలికను జలావర్ ప్రాంతానికి తీసుకెళ్లి 7,8 రోజుల పాటు అత్యాచారం చేశారు. ఈ ఘటనకు సంబంధించి 20 మందిని అరెస్టు చేశాం. నిందితులందరూ జలావర్ వాసులే."
--శరద్ చౌదరి, ఎస్పీ
ఈ ఘటనకు సంబంధించి పూర్తి స్థాయిలో దర్యాప్తు చేపడుతున్నట్లు ఎస్పీ పేర్కొన్నారు.
ఇదీ చదవండి:'నిజమైన డిగ్రీలు ఉన్నందుకే వారికి శిక్ష'
