లోయలో వాహనం పడి ఆరుగురు మృతి

జమ్ముకశ్మీర్​లో సోమవారం సాయంత్రం ఘోర రోడ్డు ప్రమాదం జరిగింది. ఈ ఘటనలో ఓ మైనర్​ సహా ఒకే కుటుంబానికి చెందిన ఆరుగురు మృతి చెందారు.

జమ్ముకశ్మీర్​ దోడాలో సోమవారం సాయంత్రం ఘోర ప్రమాదం జరిగింది. బతుత్​-కిష్టవర్​ జాతీయ రహదారిపై రాగి నాలా వద్ద ఈ ఘటన జరిగింది. ఓ మైనర్​ సహా ఒకే కుటుంబానికి చెందిన ఆరుగురు మృతిచెందారు.

దోడా నుంచి జమ్ముకు వెళుతుండగా.. వీరి వాహనం అదుపు తప్పి 500 అడుగుల లోయలో పడిపోయింది. ఐదుగురు వ్యక్తులు అక్కడికక్కడే మృతి చెందగా.. ఓ మైనర్​కు తీవ్ర గాయాలయ్యాయి. ఈ ప్రమాద వార్త తెలుసుకుని ఖైర్ అనే స్వచ్ఛంద సంస్థ​ వలంటీర్లు.. హుటాహుటిన ఘటనా స్థలికి చేరుకున్నారు. గాయపడ్డ మైనర్​ను చికిత్స కోసం ఆసుపత్రికి తరలించగా.. అక్కడ ప్రాణాలు కోల్పోయాడు.

ఇదీ చదవండి:ఎడతెగని ఎదురుచూపులు- ఆవిరవుతున్న ఆశలు