జమ్ముకశ్మీర్ పునర్విభజన బిల్లు 2021కి రాజ్యసభ ఆమోదం తెలిపింది. జమ్ముకశ్మీర్ కేడర్కి చెందిన సివిల్ సర్వీసు అధికారును అరుణాచల్ ప్రదేశ్, గోవా, మిజోరాం యూనియన్ టెరిటరీ (ఆగ్ముత్)లో విలీనం చేసే ఆర్డినెన్స్‌ ఇక చట్టరూపం దాల్చనుంది. ఈ బిల్లును గతవారం లోక్సభలో ప్రవేశపెట్టారు.
''ఈ బిల్లు ఆమోదంతో జమ్ముకశ్మీర్ భూభాగం మొత్తానికి భారత రాజ్యాంగం పూర్తిగా వర్తించనుంది. కేంద్రపాలిత ప్రాంతాన్ని సమర్థవంతంగా నడిపించే అనుభవం ఉన్న అధికారుల లభ్యత మరింత పెరగనుంది.''
-జీ. కిషన్ రెడ్డి, కేంద్ర హోం శాఖ సహాయ మంత్రి
జమ్ముకశ్మీర్లో సుమారు 170 కేంద్ర చట్టాలను అమలు చేస్తున్నామని జీ. కిషన్ రెడ్డి వివరించారు. జమ్ము, కశ్మీర్, లేహ్ ప్రాంతాల్లో విధులు నిర్వహించే అధికారుల పరిధిని, లభ్యతను ఈ బిల్లు మరింత పెంచుతుందని తెలిపారు. ఇకపై వీరిని కేంద్రం నేరుగా నియమించనున్నట్లు పేర్కొన్నారు.
భగ్గుమన్న ప్రతిపక్ష నేత..
జమ్మకశ్మీర్‌ శాశ్వత కేంద్రపాలిత ప్రాంత హోదాపై రాజ్యసభ ప్రతిపక్ష నేత గులాంనబీ ఆజాద్ కేంద్రంపై తీవ్రస్థాయిలో విరుచుకుపడ్డారు. రాష్ట్ర ప్రత్యేక హోదాను పునరుద్ధరించాలని డిమాండ్ చేశారు.
రాష్ట్రహోదా లేనట్లేనా..?
'ప్రస్తుతం పనిచేస్తోన్న జమ్ముకశ్మీర్ కేడర్ బాగా పనిచేయట్లేదా?' అని హోంమంత్రి అమిత్ షాను ప్రశ్నించారు ఆజాద్. బాగానే పనిచేస్తోందంటే 'ఆగ్ముత్'లో విలీనం చేయాల్సిన అవసరమేంటని నిలదీశారు? ప్రస్తుత బిల్లు ద్వారా జమ్ముకశ్మీర్ను శాశ్వతంగా యూనియన్ ఆఫ్ ఇండియాలో విలీనం చేయాలని కేంద్రం భావిస్తే.. అంతకంటే అవమానం ఇంకొకటి ఉండదన్నారు. రాష్ట్ర హోదా పునరుద్ధరణకు కేంద్రం హామీ ఇచ్చిందని గుర్తుచేశారు.
కేంద్రం చర్యలతో జమ్ముకశ్మీర్లో అభివృద్ధి పూర్తిగా ఆగిపోయిందన్నారు గులాం నబీ ఆజాద్. నిరుద్యోగం పెరిగిపోయిందని, పరిశ్రమలు మూతపడుతున్నాయని ఆందోళన వ్యక్తం చేశారు.
కరోనాకు ముందు విధించిన కర్ఫ్యూతో పాటు.. లాక్డౌన్తో స్కూళ్లు, కాలేజీలు మూతపడ్డాయని.. ఫలితంగా ఉపాధ్యాయుల జీవితాలు సందిగ్ధంలో పడ్డాయన్నారు. ఇక పర్యటక రంగం సైతం తీవ్రంగా నష్టపోయిందన్నారు. కేంద్రం చర్యలతో ఈ ప్రాంతంలో మనుగడ కష్టతరంగా మారిందని విమర్శించారు.
ఇదీ చదవండి: కేంద్రం పరిధిలోకి జమ్ముకశ్మీర్ అధికారులు
