పాకిస్థాన్ ఆక్రమిత కశ్మీర్ నుంచి కశ్మీర్లోని తంగధర్ సెక్టార్లోకి అక్రమ రవాణా చేస్తున్న పది కిలోల మాదక ద్రవ్యాలను భద్రతా దళాలు పట్టుకున్నాయి. బుధవారం రాత్రి భారత సైన్యం, సరిహద్దు దళాలు, జమ్ముకశ్మీర్ పోలీసులు కలిసి తంగధర్ సెక్టార్లో తనిఖీలు నిర్వహస్తుండగా.. ఈ డ్రగ్స్ను పట్టుకున్నారు. వాటి విలువ రూ. 50కోట్లు ఉండొచ్చని అంచనా వేశారు.
నియంత్రణ రేఖ వెంబడి పాకిస్థాన్ స్మగ్లర్లు డ్రగ్స్ను రవాణా చేశారని భద్రతా దళాలు పేర్కొన్నాయి. కర్నా తహసిల్కు సంబంధించిన కొందరు వ్యక్తులు ఈ రవాణా చేస్తున్నట్లు.. వారిని పట్టుకునే పనిలో ఉన్నట్లు తెలిపారు.
ఇదీ చదవండి: పడకల కొరత- అంబులెన్సుల్లోనే చికిత్స
