భారత్లో గత కొన్నేళ్లలో సింహాల సంఖ్య క్రమంగా పెరిగిందని ప్రధాని నరేంద్ర మోదీ తెలిపారు. ప్రపంచ సింహాల దినోత్సవం సందర్భంగా ఈ వ్యాఖ్యలు చేశారు. ధైర్యానికి సింహం నిదర్శనం అని, ఆసియా సింహాలకు నిలయంగా ఉన్నందున భారత్ గర్విస్తోందని మోదీ ట్వీట్ చేశారు.
"ప్రపంచ సింహాల దినోత్సవం సందర్భంగా.. వాటి సంరక్షణ కోసం పాటుపడేవారందరికీ నా అభినందనలు. గత కొన్నేళ్లలో భారత్లో సింహాల సంఖ్య క్రమంగా పెరిగింది."
--నరేంద్ర మోదీ, ప్రధాని.
గుజరాత్ ముఖ్యమంత్రిగా ఉన్నప్పుడు గిర్ సింహాల కోసం రక్షణ కేంద్రాలు ఏర్పాటు చేసే అవకాశం వచ్చిన సందర్భాన్ని గుర్తుచేసుకున్నారు మోదీ. అంతర్జాతయంగా, స్థానికంగా సింహాల రక్షణ కోసం ఎన్నో కార్యక్రమాలున్నాయని తెలిపారు.
ఇదీ చదవండి:సముద్రాల భద్రతకు మోదీ 'పంచ సూత్రాలు'
