Pakistan balloon in India: పంజాబ్ జలంధర్ జిల్లాలోని అధంపుర్ సరిహద్దు ప్రాంతంలో పాకిస్థాన్కు చెందిన ఓ బెలూన్ కలకలం సృష్టించింది. బెలూన్పై పాకిస్థాన్ జెండా, 'ఐ లవ్ పాకిస్థాన్' అని ముద్రించి ఉంది. పంట పొలాల్లో బెలూన్ కనిపించినట్లు సమాచారం అందుకున్న అధంపుర్ పోలీసులు అక్కడికి చేరుకుని బెలూన్ను స్వాధీనం చేసుకున్నారు. ఈ సంఘటనపై స్థానిక స్టేషన్ ఎస్హెచ్ఓ హరిందర్ సింగ్ పలు విషయాలు వెల్లడించారు.
"ఐ లవ్ పాకిస్థాన్, ఆ దేశ జెండా ముద్రించి ఉన్న ఓ బెలూన్ పొలాల్లో కనిపించినట్లు సమాచారం అందింది. మా సిబ్బందితో అక్కడికి చేరుకుని బెలూన్ను స్వాధీనం చేసుకున్నాం. దానిని పరిశీలించాక ఎవరో కావాలనే చేసినట్లుగా ప్రాథమికంగా నిర్ధరణకు వచ్చాం. బెలూన్ పాకిస్థాన్ నుంచి వచ్చే అవకాశం లేదు. అయితే, అది ఎక్కడి నుంచి వచ్చిందనే కోణంలో దర్యాప్తు చేపట్టాం."
- హరిందర్ సింగ్, అధంపుర్ ఎస్హెచ్ఓ.
ఇదీ చూడండి: సరిహద్దు దాటి భారత్లోకి పాక్ బాలిక.. జవాన్లు ఏం చేశారంటే?
