BOY SUICIDE IN ODISHA: ఈ మధ్యకాలంలో కొెందరు పిల్లలు.. అమ్మానాన్న ఫోన్ కొనివ్వడం లేదనో.. కాస్త మందలించారనో.. ఇలా చాలా చిన్న కారణాలతో బలవన్మరణాలకు పాల్పడుతున్నారు. తాజాగా ఒడిశాలోని బాలాసోర్కు చెందిన 13 ఏళ్ల బాలుడు.. బిర్యానీ తీసుకురాలేదని ఆత్మహత్య చేసుకొని.. కన్నవారికి కడుపుకోతను మిగిల్చాడు.
అసలు ఏం జరిగిందంటే..?
ఒడిశాలోని బాలాసోర్కు చెందిన మనోరంజన్ మహన్న కుమారుడు స్థానిక పాఠశాలలో 8వ తరగతి చదువుతున్నాడు. గత కొద్ది రోజులుగా ఆ బాలుడు బిర్యానీ తీసుకురమ్మని తండ్రికి చెబుతున్నాడు. అయితే మనోరంజన్ బాలాసోర్ పంచాయతీ ఎన్నికల్లో పోటీ చేస్తుండడం వల్ల బిజీగా ఉన్నారు. ఆయన ఖాళీ చేతులతో ఇంటికి రావడం చూసి బాలుడు నిరాశకు గురయ్యాడు. అనంతరం ఆ రోజు రాత్రే గదిలో ఉరేసుకొని ఆత్మహత్య చేసుకున్నాడు. వెంటనే చూసిన తల్లిదండ్రులు స్థానిక ఆసుపత్రికి తీసుకువెళ్లారు. అప్పటికే బాలుడు మృతి చెందాడని వైద్యులు తెలిపారు.
బిర్యానీ కోసం ఆత్మహత్య చేసుకుంటాడని అనుకోలేదని మనోరంజన్ దంపతులు కన్నీరుమున్నీరుగా విలపిస్తున్నారు.
ఇదీ చదవండి: ఆడుకుంటూ బోరుబావిలో పడ్డ బాలుడు.. 55 అడుగుల లోతులో..
