ఒడిశాలోని గంజమ్ జిల్లాకు చెందిన దిలీప్ మోహారాణా చేతులు అద్భుతాన్ని చేశాయి. కలపతో పూరీ జగన్నాథ ఆలయ మినియేచర్ను రూపొందించి వారెవ్వా అనిపించాడు. కేవలం 45 రోజుల్లోనే ఈ సూక్ష్మ కళాఖండాన్ని రూపొందించాడు.
దిలీప్ మోహారాణా కుటుంబం బెహ్రంపూర్ నుంచి వలస వచ్చి ఒడిశాలోని గంజమ్ జిల్లాలో నివసిస్తున్నారు. అతడు బీకామ్ మొదటి సంవత్సరం చదువుతున్నాడు. లాక్డౌన్ సమయంలో ఇంటి వద్దే ఉండగా.. ఏదో ఒకటి కొత్తగా చేయాలనుకున్నాడు. పూరీ ఆలయ కళాఖండానికి శ్రీకారం చుట్టాడు. 5.5 అంగుళాల ఎత్తు, 12 అంగుళాల పొడవు, 9 అంగుళాల వెడల్పు ఉన్న చెక్క ప్రతిరూపాన్ని తయారు చేశాడు. ఆలయంలో గోపురాలు, దేవతా ప్రతిమల ఆకారాలు అచ్చుగుద్దినట్టుగా తీర్చిదిద్దాడు. కళాఖండంలో దాదాపు పది గుళ్లు వచ్చేలా ఓ మినీ పూరీని కళ్లకు కట్టినట్లుగా తయారు చేశాడు.
గతంలోనూ రాముని గుడి, దుర్గ దేవతల సూక్ష్మ ప్రతిరూపాలను తయరు చేశాడు మోహారాణా. ఇందుకుగాను గ్రాండ్ మాస్టర్ ఆఫ్ ఇండియా, ఆసియా బుక్ ఆఫ్ రికార్డ్స్లో స్థానం సంపాదించాడు. ప్రధాని నరేంద్ర మోదీ, ఒడిశా సీఎం నవీన్ పట్నాయక్కు బహుమతిగా ఇవ్వడానికి ప్రస్తుతం రెండు పూరీ కళాఖండాలను తయారు చేసినట్లు చెప్పాడు.
ఇదీ చదవండి:'జగన్నాథుడి'పై కళాకృతులు.. ప్రపంచంలోనే అతిపెద్ద సైకత శిల్పం
